iass

أنت بتجاوب تماما متل ما بتجاوب دايما الحكومة السورية عن أي أزمة بتمر، دايما برأيهن الحق عالمواطن، وهنن دايما على صح، ومافي أزمة بنوب.

مو الحق عالناس أنو تبيع متل القطيع خصوصي وقت عم بيشوفو السوق عم ينهار متل ما انهار عنا، وعلى مدى ست أسابيع مستمرين، ما في أي قرار، أي قرار، أي قرار، يطلع من هالهيئة. تذكر أنو يلي فات بسوق البورصة مافي واحد ماشي بالطريق وخبرو أنو معقول يا زلمة فايت بالبورصة، ما شفت شو صار بالعالم؟، كل الناس بالعالم فلست من البورصة، والخ، فكيف بدك الناس ما تخاف وتذعر؟
الخيار يلي عم تحكي عن الصناديق، صار من زمان عم يتنادى فيه، والهيئة كان لازم تتحرك عالقليلة باتجاه المؤسسة العامة للتأمين والمعاشات مثلا لتشتري من الأسهم يلي قيمتها صارت قريبة من القيمة الأسمية لتحمي الأسهم من أي انهيار إضافي، بالإضافة إلى تحقيق مكاسب حقيقية من هالاسهم لصالح مؤسسات ألها منفعة عامة.
لهيك، مو الحق عالناس أبدا بهي الأزمة، الحق أولا وأخيرا على الهيئة والهيئة مقصرة بشكل كتير كبير وواضح وفاضح.

ِأنا حاليا خسرت كافة أرباحي على مدى سنة ونصف، ورجعت لرأسمالي. الذي استثمرته منذ سنة ونصف، يا ترى ما هو حال من اشترى منذ حوالي الثلاثة أشهر أو حتى منذ ستة أشهر أو تسعة أشهر؟