مشرف
تاريخ التسجيل: Jan 2011
الدولة: Syria
المشاركات: 12,114
شكراً: 15,520
تم شكره 33,601 مرة في 9,056 مشاركة
رد: المتابعة اللحظية لجلسة تداول الأثنين 21-2-2011
الحقيقة الآراء برغم الضحك على التعليقات الظريفة كلها تدور حول الملل من وضع السوق و بداية احباط مع وجود دفعات معنوية
اولا وجود دعم معنوي من قبل بعضنا البعض حتى لو خسرنا لا قدر الله المواساة و الصحبة النصيحة بتعوض
ثانيا لازم نطالب بادارة سوق جديدة تعرف حاجات السوق تماما مو ماشيين على مبدأ منقطش و بعدين منعد \ اللي ما بيعرف قصة المثل يخبرني مشان اكتبها \
ثالثا لازم يكون في شي اسمو شركات استشارية سواء كانت ضمن شركات الوساطة او كشركات مستقلة تاخد اجرة على النصائح لأنو للأسف بسبب سوء تقدير او فهم السوق من قبل بعض صغار المستثمرين عم يدمرو السوق ككل لأنو بكل بساطة ببيعة \ 200 \ سهم وهو حد كمااااااان لازم يتغير
هل 200 سهم عم ينزلو السعر 3% و عييييييييييييييش ليطلعن مرة تانية و احيانا بيحتاج ل 3 او 4 جلسات بيرد بيجي واحد تاني بيعيد نفس السيناريو مع عدم استبعاد فرضية انوا الحادثة مقصودة من قبل شركات وساطة او كبار التجار
رابعا وجود موقع ثاني للسوق يخفف الضغط عن الموقع الأول و ينفع بحال تعطل شاشة الموقع ان لم يكن العطل مقصود
خامسا الأوضاع العامة العربية و الأقليمية تؤثر و ينبغي لذلك تخفيف التداول او بث روح التفائل أنو هون مافي شركات لها ارتباط لا بليبيا ولا البحرين ولا تونس ولا مصر
سادسا و اخيرا طب فتح صفحة استشارات لصغار المستثمرين لطلب النصح بالبيع او غير ذلك
بالنتيجة اعتذر عن الاطالة
و ادعو الله بالتوفيق بجلسة الغد و جلسة عامرة خضراء و مليئة بالربح
و نرجو الهتاف \ أخضر أخضر أخضر \
تفائلوا بالخير تجدوه ان شاء الله