نظراً لطلبات الاخوة في ساحات البورصة ، أحببت أن أضع خبرتي ومعلوماتي في تلك الوصفة
اقتباس:
المشاركة الأصلية كتبت بواسطة غيث
الله يخيليكي اذا عندك وصفت كيف بيعملو بيض مسلوق ما تبخلي علينا فيها
|
صعبة بس رح علمكون عليها وما بدي الا الدعاء
أولا : اسمها (3b)
المقادير لشخص واحد :
1- بيض عدد 2
2- بقدونس مفروم : شوية
3- بندوراية واحدة صغيرة مقطعة ناعمة .
4- ملح وفلفل .
- نأتي بالبيض ونحطون بطنجرة صغيرة ومنعبيها مي لحتى ينغمرو ..
- منشعل الغاز تحتون .... ومنحط معلقة صغيرة ملح حتى يتقشروا بسهولة (سر الخلطة)
- بس تغلي المي بدك تعير الساعة 10 دقايق وتنوص النار .
- بعد عشر دقايق اطفي الغاز وكب الميات وطلع البيضات سخنين علم يلهلبو .
- قشرون بدون ما تفتح المي عليهون حتى يضلو سخنين .. لاتخاف بيتقشرو بسرعة بتطلع القشرة قطعة وحدة بسبب السر .
بعدين جيب صحن وسكينة وبلش قطعون بالسكين .... جيب البندورات الناعمين والبقدونس ... وادلقون فوق البيضات .... رشة ملح حسب الرغبة ورشة فلفل حسب الرغبة بس انا بكتير كتير أطيب .
وصحتين وهنا .... ظريفة كتير للمغتربين وأزواج الموظفات 