iass

يا الله قديش الواحد بيكون سعيد وقت بيقرا تعليقات الأصدقاء ورسائلهن لتطيب خاطرو.
شكرا كتير يا اصدقائي، أنا ممنونكم، وأستاذ عارف وأخي رامي، توبة عاد فوت على سهم بيمو، ما عاد فوت عليه بحياتي غير ليصير سعرو تحت 1800، سعرو كتير متضخم، وأرباحو صارت كتير نازلة، وما عاد في أي إغراء.

والحمدالله أستاذ عارف عم نعرف الفرق بين الرموز، رح قلك عشغلة صارت معي، من فترة بعت بيمو وطلبت أنو اشتري سورية الدولي الإسلامي على سعر السوق، وضليت ناطر شوف تنفيذ الأمر، بعدين بقرا تعليق لأبو أيهاب أنو سهم الدولي للتجارة والتمويل انباع على سعر 1525 ليرة سورية، وتوقع أنو يقلب أخضر، وضليت ناطر الأمر تبعي، وكان على 1700 بالنسبة للإسلامي، وبعد ما حكيت مع شركة الوساطة، طلع مشتريينلي أسهم تمويل بدل الإسلامي، وطبعا على سعر السوق، وطبعا أنا كنت مشتري بأعلى سعر من شهر ونص لهلق، وما في غير هالصفقةعلى شي 180 سهم. المهم مشي الحال وباعو الأسهم واشترولي الإسلامي وهنن حملو الخسارة، بس يلي بيضحك أنو حتى المضاربين عم يخربطو. ونفس الصبية يلي خربطت معي بالاسهم، اتصلت معي وقالتلي أنو الشركة عندها زيارة على حلب وحابين يشوفوني بحلب منشان إذا بحب أفتح حساب عندهن والخ...، يعني كمان مخربطة برقم التلفون.