عضو مشارك
تاريخ التسجيل: Jun 2009
الدولة: دمشق
المشاركات: 152
شكراً: 4
تم شكره 2 مرة في 2 مشاركة
أنا بالنسبة الي بأيد هالقرار بشكل كبير
مع أنو ما بعرف لهلئ ليش عم يميزوا البنوك الاسلامية عن غيرها من البنوك العادية بالنسبة لرأس المال
يعني هيك بيتحسن أداء البنك و بيصير في عندو همة للشغل بشكل أكبر
و خصوصاً أنو رأس المال الكبير رح يخليهون يفتحوا فروع أكتر و أكبر و خدمات أكتر
و رح يطروا يطرحوا خدمات جديدة مشان يقدروا ينافسوا البنوك التانية
و هيك رح يصير التطور الحاصل أكبر بكتير من هلئ على الصعيد الاجتماعي و على صعيد الأرباح
يعني يا ريت الحكومة تطلع قرارات حلوة متل هالقرارات بالنسبة لكافة الأعمال مو بس للقطاع المصرفي
لأنو كتير قطاعات بحاجة للاستثمار فيها بشكل أكبر و خصوصاً قطاع المواصلات اللي أنا شخصياً
بعتبروا من أسوأ القطاعات الخدمية في سورية و من أقل القطاعات اللي رأس المال الخاص
عم يستثمر فيها و طبعاً الحكومة هي المسؤولة عن هالشي لأنو لازم يطلع قانون استثماري جديد
و يخصصوا فيه قطاع النقل و يعملوا الغاء للضريبة بشكل كاما لمدة 5 سنوات أو يعطوا ميزات جديدة
أو يعملوا شراكة مع الشركات الخاصة و يصير في تعاون بين القطاعين بهالمجال و يلغوا الضريبة بالمرة
لأنو عنجد كل ما أطلع على شي محل بالسيارة أو بالنقل الداخلي أو بالسرفيس أو بالتكسي
بحس حالي رجعت شي خمسين سنة لورا
طبعاً قطاع النقل مو بس وسائط النقل ....,,,, لا و حتى شركات التعبيد الطرق و تنفيذ الأشغال الطرقية
و تنفيذ المشاريع و الخدمات اللي بتتعلق بموضوع النقل
و ان شاء الله يصير خير