عرض مشاركة واحدة
قديم 14-08-2009, 08:07 PM
  #1
MR.Brain
مشرف علوم وتكنولوجيا واتصالات
 الصورة الرمزية MR.Brain
 
تاريخ التسجيل: Jul 2009
المشاركات: 83
شكراً: 4
تم شكره 14 مرة في 5 مشاركة
افتراضي أبليس أعتزل المصلحة

ابليــــس يصـــف الوضـــع والحالـــة في..............................





كان في ‏غرفته، يلملم ملابسه في حقيبة إلى جانب باقي متعلّقاته، على المنضدة القريبة، كانت ‏استقالته موقّعة ومختومة حسب الأصول، وبجوارها تقبع (ون-واي) تيكت إلى جزر ‏القمر.





‏كانت ملامح وجهه في تلك اللحظات تنطق بالحزن، ‏الكآبة، الإحباط، اليأس، وقلّة الحيلة.... مع دهشة مزمنة ارتسمت عليه منذ فترة ليست ‏بالقريبة، واعترافٍ بالعجز والفشل..



إبليس راحلٌ عن بلادنا إلى غير ‏رجعة... فليفرح المؤمنون



وين يامسهّل؟ ليش عم بتضبّ ‏اغراضك؟







- يازلمة ماظلّني قعدة عندكو، إلي سنين عاطل عن العمل وقرّبت أموت من ‏الجوع.. بلاقيش معك سيجارة ياخوك؟



- مش قاطع فيكو لا وسواس ولا خنّاس! كنت ‏زمان بوسوس للوحده تسيب ابنها يعيّط وهي بتحكي مع جاراتها، هسّة صاروا لحالهم يرموا ‏اولادهم في الحاوية أوّل ما يجوا!



- ‏كنت أوسوس للواحد ينسى يسمّي الله قبل ‏مايوكل، هسّة بطّل حدا لاقي إشي يوكله! يازلمة إذا أنا إبليس تسمّمت ‏بالشاورما!



- ‏كنت برضو بوسوس للشب يرميله كلمة ع البنت وهي ماشية ‏بالشارع، صاروا البنات يطقّسوا ع الشباب بكلام أنا نفسي بستحي ‏أحكيه!‏ إنتو بدّكو إبليس ‏إنتو؟!



- ‏صار عندكم فائض في الفساد بكفّي 30 سنة لقدّام، صرت أخاف على حالي ‏منكم!



- ‏يازلمة مرّات بضطرّ أوسوس بالشقلوب وأقول للمسؤول إرحم وللحرامي ‏بكفّي خلّي شويّ للحراميّة اللي رح ييجوا ‏بعدك!



- ‏يعني إذا إنتو لحالكو سمالله بتعملوا كل هالبلاوي، أنا إبليس شو ‏أعمل؟ أشتغل شوفير تكسي يعني ولاّ أفتح صالون حلاقة؟



ما ظلّ غير أقدّم للأوقاف ‏يعيّنوني واعظ أو إمام جامع
__________________
"There are only two ways to live your life. One is as though nothing is a miracle. The other is as though everything is a miracle." --A. Einstein
MR.Brain غير متواجد حالياً  
رد مع اقتباس