رد: سعر صرف الدولار والذهب مقابل الليرة السورية ليوم الثلاثاء 1- 4 - 2014
اقتباس:
المشاركة الأصلية كتبت بواسطة hasobman
حسب فهمي المتواضع
وحسب معلوماتك بالمشاركة
لسه ما بلشنا اشاعات وتنزيل السعر ومن الذي منو
بالنسبة للنقطة التانية ما فهمت عليك كتير
على فرض رجال اعمال وادخلو بالسوق السودة ومسموحلون لانو دعم اقتصادي
شنون بدهم يربحو قرشين وهنن على اساس عم يدخلو لتخفيض السعر
فيك تشرحلي اكتر هالنقطتين اذا ما فيها شي محرج
|
انشاء الله ما في شي محرج .....بس بيجوز يكون مزعج ...للبعض طبعا ........بس بحب اكد هون انو هاد الحكي ما لو مبني على اي معلومات داخلية مؤكدة او غير مؤكدة...مبني فقط على التحليل المنطقي من وجهة نظري فقط
قصة ال 180 و 150 و 100 والاشاعات هي بكل بساطة انو ناس معهم مصاري كتير و متفقين مع المركزي و عرفانين الأسئلة و الأجوبة......يعني عرفانين انو رقم 100 هو اشاعة ...و رقم 180 رح يتم تنزيلو ل 150 (او بشكل قريب جدا) و هيك ببيعو يللي معهم على 180 و 170 و حتى 160 ....و ظاهريا هنن ابطال مع المركزي و عم ينزلو السعر (بس فعليا هنن عم يبيعو بسعر عالي مشان يشترو برخيص) بس عامة الشعب المساكين بيفكرو انو 100 هو الهدف كما اشيع او اعلن ...فبيركضو ببيعو يللي معهم على 150 و 140 و 130 و حتى 120 .....لئنو مفكرين انو رح يصل لل 100........هون رجال الأعمال فاعلين الخير بيكونو عم يرجعو يلمو كلشي باعو و اكتر بسعر ارخص (هون الأرباح) ....و متل ما ذكر الاستاذ عابر هنن ما عندهوم مطبعة دولار يعني عم يبيعو من الشي يللي عم يلموه من الناس ..او من (مدخاراتهم) بس بيكونو رابطينها مع المركزي انو ينزلو السعر لحد معين مشان يرجعو يعوضو ..(مع ارباح)
بس هلأ شو السيناريو الجديد و شو النقاط الجديدة ...المركزي و احباؤه و رجال الأعمال هنن يللي بيعرفو ...طبعا مع الأخذ بعين الاعتبار تأثير بعض الأحداث الخارجة عن تخطيطهم و ما يجري على الأرض