رد: سعر صرف الدولار والذهب مقابل الليرة السورية اليوم الأربعاء 19 -03- 2014
اقتباس:
المشاركة الأصلية كتبت بواسطة غسان
بمناسبة عيد الام تلتهب الاسعار في الاسواق شأنها شأن كل المواسم قالب الكاتو بخمسة الاف ... مانطو 8000 بلوزة 3000 الاسعار ملتهبة اصلا
معظم الاسر تحتفل بهذا العيد ويختلف الاحتفال حسب الحال ...حتى في الخيم يمكن ان ترى العائلة متحلقة تزغرد للام وتهديها ماتوفر وتيسر
وباي حال عدت ياعيد ,,,,,, والحناين يلي حابين يجيبوا هدية للوالدة لاينسوا الوالد كمان ويمكن تغرغر الدمعة بعينو من تذكركم له بهديه بسيطة ....
كل عام وامهاتكم بخير واعشق عمري لاني اذا مت اخجل من دمع امي ورحم الله امواتكم وكلنا على الدرب سائرون
|
رحت مبارح واشتريت هدية لوالدتي اطال الله بعمرها وعمر الجميع امين يا رب
وعشان ما يزعل والدي هديتو كانت اني اخدت منو الفلوس لشراء الهدية
رحت و فتلت بهالسوق اما شواسعار بتشهي ما تشتري
المهم اليكم بعض الاسعار طبعا بعيدا عن الالبسة لانو ما بحب اشتري البسة لغيري ومهمة خواتي شراء الالبسة
طقم ركاوي عدد 3 ب 800 ليرة
طقم ركاوي عدد 3 ب 1300 ليرة
طقم ركاوي عدد 3 ب 2500 ليرة
ركاوي مفرد 800
سخانة الكترونية صيني 2300
سخانة الكترونية صيني 6000
سخانة هلوجين صيني 1800
ابريق تسخين ماء 900
كاسات شاي الدزينة من 600 الى ما شاء الله
سخانة سندويش 2500
سخانة شواية 6000
وفي كتير اسعار بس انا فتت على محل اغلى قطعة بجوز شي 10000
اذا بدك تروح للتلفزيونات والبرادات والغسالات بدك دكة مصاري منيحة
تلفزيون صيني 23000
تلفزين اماراتي 24000
تلفزيون سوري 27000
برادات حسب النوع الجيد 100000 وفوق
الممتاز 150000 وفوق
غسالات ما سعرتها صراحة
عطورات العلبة ام 100 ب 300
نوع جيد تعباية 500
نوع جيد جاهز 500
اشاربات من 300 الى ما شاء الله
وبالاخر اذا انت اقتصادي وبتحسبها منيح فيك تشتري قطعة ذهب هدية
بالاخر رح يدوبل حقها وبستفيد منها
اما بالنسبة للمعتر فيه يشتري هدايا متل
كيس بطاطا 3000 بينبسط هو وعيلتو وامو وابو
بس اول شي يتصورو جنبو لئنو شغلة عشرة ايام وبتخلص هالهدية
قنينة غاز عادي مو في اي بي عالدفتر 1200
براني 2000 وبينبسط كمان
وفي كتير شغلات صار فيك تعملها هدية بالوقت الحالي
بس لهون بيكفي حاج كفاها الله
وانا دائما بقلها لامي بدكي احسن مني هدية والله لا اقدر بثمن