عضو أساسي
تاريخ التسجيل: Nov 2013
الدولة: SYRIA
المشاركات: 1,158
شكراً: 6,174
تم شكره 6,951 مرة في 1,153 مشاركة
رد: سعر صرف الدولار والذهب مقابل الليرة السورية اليوم الثلاثاء 04 -03- 2014
اقتباس:
المشاركة الأصلية كتبت بواسطة عابر مجيب
ممكن الادخار بالذهب متل الدول اللي عم تحكي عليها .
أي على المدى الطويل ، بدنا شي فيما حضر ، مو عيش ياكديش ....
ومشكلة الذهب ممكن تحبو ، وما بيجي من قلبك تبيع خصوصا إذا كان عندك قطع محرزة .
وبهيك ما بتبيع للربح ، بتبيع وقت الحاجة القصوى ، وهيك ما صار لا استثمار ولا تجارة ، وممكن ما تتصادف حاجتك مع ارتفاع السعر ، تخيل لو بايع من شهرين لما كانت الأونصة 1220 مثلا .
وقصدي على القطع الحلوة ، إذا مو نادرة وما بقى تتعوض ، في ظل سوق مغلق ومحدود .
فهنالك أونصة على خلفها رسمة بنت لا تتوفر دائما ، وتصلح حلي نسائي وهنالك زهرة أيضا على ما أذكر ، وهيك اشياء ما بتتوفر ولا حتى بشارع الحمرا ببيروت ، شوف بقا لما عندك انجليزية اليزابث أو ادوارد النادرتين ، أو حتى جورج وأصلية بريطانية عن حقا ،
أكتر من كل هاد ، اللي بيقهرك انك رح تبيع النادر بسعر المصنوع محليا وتحس بالغبن ، وبتروح القطع المذكورة ، بسعر اللي آكلة ضربة ختم ومنفد من الطرف التاني !
بنرجع ان نحنا انحرفنا للادخار وانحرفنا عن السؤال الأساسي حول الاستثمار .
آخر فكرة : الذهب أقل القطع ممكن تفوق الحاجة ، ولما بدك عشر آلاف بتبيع ليرة مثلا بخمسين ألف ، بتاخد العشرة لحاجتك وبتتبعزق بالباقي .
أفضل شي العملة ، لا بيكشفها جهاز المعادن ، وممكن صرفها قطع صغيرة ، وممكن تشغيلها بالبنوك ، ومين ما عطيتو بياخدها ، الذهب بس للصياغ حصرا .
المبالغ الكبيرة على المدى الطويل ، عقارات خصوصا أرض ، إذا بيصير زلزال بتبقى الأرض ، خطورة الأرض فقط ، إذا كتير نيرة يلطشوها منك .
تخيل أرض ! بينشلوها منك متل الجزدان ، وعينك عم تطلع !
ممكن أرضك يلحقها التنظيم ، مو الاستملاك لاسمح الله ، بس بيطلع عندك المدرسة والمخفر والمركز الصحي ومركز الاطفاء والحديقة العامة !
|
ما شاء الله عليك استاذ عابرعندك خبرة بكل المجالات
__________________
(من قتل نفسابغيرنفس أوفسادافي الأرض فكأنما قتل الناس جميعا)