عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: سعر صرف الدولار والذهب مقابل الليرة السورية اليوم الثلاثاء 04 -03- 2014
اقتباس:
المشاركة الأصلية كتبت بواسطة hasobman
مشاركة البارحة للاستاذ عابر
يسعد مساك
انا بعمري ما حبيت الاستثمار بالذهب ، ومرة حطيت مشاركة عن ان من شب على شيء شاب عليه ، ففي مقتبل شبابي أخذت درسا ، حين علمت أن صالح الراجحي ، أوصى ابنه بعدم الاستثمار بالذهب ، ولكن اغراء المعدن اللامع غلب ، وغرق الولد وانتهى بالافلاس ، أذكر بأن أباه تركه بالسجن ولم يساعده على الرغم من امكانياته التي تعادل امكانيات السعودية كلها وربما تزيد حينها .
حاليا أفكر بالاستثمار في زراعة مسكبتين بصل أخضر في الحديقة بعد ان اكتشفت أن العدادات الجديدة اللتي ركبتها مؤسسة المياه متوقفة ولا تعمل ، ويتم احتساب 18 متر مكعب عمال على بطال .
بالعكس استازي استثمار الذهب من افضل الاستثمارات على المدى الطويل
دول بحالها تدخر ذهب
ويمكن بال 2001 كان الذهب حوالي 300 للغرام
|
ممكن الادخار بالذهب متل الدول اللي عم تحكي عليها .
أي على المدى الطويل ، بدنا شي فيما حضر ، مو عيش ياكديش ....
ومشكلة الذهب ممكن تحبو ، وما بيجي من قلبك تبيع خصوصا إذا كان عندك قطع محرزة .
وبهيك ما بتبيع للربح ، بتبيع وقت الحاجة القصوى ، وهيك ما صار لا استثمار ولا تجارة ، وممكن ما تتصادف حاجتك مع ارتفاع السعر ، تخيل لو بايع من شهرين لما كانت الأونصة 1220 مثلا .
وقصدي على القطع الحلوة ، إذا مو نادرة وما بقى تتعوض ، في ظل سوق مغلق ومحدود .
فهنالك أونصة على خلفها رسمة بنت لا تتوفر دائما ، وتصلح حلي نسائي وهنالك زهرة أيضا على ما أذكر ، وهيك اشياء ما بتتوفر ولا حتى بشارع الحمرا ببيروت ، شوف بقا لما عندك انجليزية اليزابث أو ادوارد النادرتين ، أو حتى جورج وأصلية بريطانية عن حقا ،
أكتر من كل هاد ، اللي بيقهرك انك رح تبيع النادر بسعر المصنوع محليا وتحس بالغبن ، وبتروح القطع المذكورة ، بسعر اللي آكلة ضربة ختم ومنفد من الطرف التاني !
بنرجع ان نحنا انحرفنا للادخار وانحرفنا عن السؤال الأساسي حول الاستثمار .
آخر فكرة : الذهب أقل القطع ممكن تفوق الحاجة ، ولما بدك عشر آلاف بتبيع ليرة مثلا بخمسين ألف ، بتاخد العشرة لحاجتك وبتتبعزق بالباقي .
أفضل شي العملة ، لا بيكشفها جهاز المعادن ، وممكن صرفها قطع صغيرة ، وممكن تشغيلها بالبنوك ، ومين ما عطيتو بياخدها ، الذهب بس للصياغ حصرا .
المبالغ الكبيرة على المدى الطويل ، عقارات خصوصا أرض ، إذا بيصير زلزال بتبقى الأرض ، خطورة الأرض فقط ، إذا كتير نيرة يلطشوها منك .
تخيل أرض ! بينشلوها منك متل الجزدان ، وعينك عم تطلع !
ممكن أرضك يلحقها التنظيم ، مو الاستملاك لاسمح الله ، بس بيطلع عندك المدرسة والمخفر والمركز الصحي ومركز الاطفاء والحديقة العامة !