عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: سعر صرف الدولار والذهب مقابل الليرة السورية اليوم الاثنين 17 -02- 2014
كل ما بفكر بشغلة الحمد لله بتنفقس قبل ما تصير ، وما بتتهون
أول ما نزلت الليرة اللبنانية ، الناس بلشوا يشتروا
كتر الزن بيحرف التفكير ، فقلت ما بدها بقا ، لازم نمشي مع الناس
قررت بس تصير الليرة بليرة اشتري ، اياميها كان عندي أمين مستودع بيسافر اسبوعيا وبيجيب عطورات وما شابه ، قلي صارت الليرة بليرة ، عطيتو 5000 ( راتب شهرين تقريبا ) رجع قال لسا ، السعر 105 ، زعلت وبطلت . وبعدها ركضت الليرة نزول قلت الحمد لله ، بعد ما كنت زعلان من الغشاش اللي ما صدق معي ، لأني عرفت انها كانت يومها أرخص .
صار تشغيل المصاري عند راني وباشايان ، الأرقام كبيرة ، كان ممكن اشتري محضر بحمص ، بسعر 5000 أو 6000 ليرة ! هدول باخدهم من باشايان خلال شهرين ، بس بعطيه 100000 ولحق لم مصاري، 3000 بالشهر . الشغلة مو منطقية بالمرة ، وضليت على أخد ورد ، أخيرا حزمت أمري وقررت ، وجهزت المصاري ، لحسن حظي فقس باشايان قبل ما حط المصاري .
أخيرا ، لعبت عيوني على البيتكوين ، قلت والله ظريفة ، خصوصا أني ما وصلت لشي من خلال (باي بال ) ولا أي حسابات عبر النت ، على أمل افتح حساب ما احتاج فيه لديبت كارد ( اللي الكل بيسموها كريديت كارد) مع الفارق الأولى كرت سحب من حسابك ، والتاني كرت استدانة (ائتمان )
البطاقة مكلفة وعليها اشتراك ، وحجوزاتي بالفنادق وشراء تذاكر طيران لشركات رخيصة محلية في بعض الدول ، لا وصول لها إلا عن طريق النت .
آسف للإطالة ولكن قد يجد بها البعض معلومة ، والقصد هو الاشارة إلى البيت كوين ، وكنت ناوي خوض بالتجربة ، بس ليكها فرطت القصة .