رد: سعر صرف الدولار والذهب مقابل الليرة السورية اليوم الاثنين 17 -02- 2014
اقتباس:
المشاركة الأصلية كتبت بواسطة عابر مجيب
صباح الخير ، الله يجعلك والجميع بألف خير ، ونطمئن عنكم دائما
مبارح كان ابني ضيف عندي ، وسلمته الديسك توب بجميع مشاكله ، واليوم ان شاء الله بيخلصو .
المسا كنت عم تابع ، عين عاللاب توب وعين على التلفزيون . وكان بداخلي الكثير من المشاعر ، ولسا ما اختمروا .
بس هيك عالماشي عملت تعريف للسياسة
بيقولوا السياسة فن الكذب ، لا حظوا فن ، يعني مو شلون ما كان .
يعني المفروض تستهبل الآخرين بذكاء
المصيبة لما بتستهبل الناس بغباء ، وبتضحك وبتقول لحالك عفارم !
أحلى شي هلأ التفتت على التلفزيون ، طالع أولاد صغار ، عم يعترفوا
ويتم توظيف اعترافهم
قال عم يراقبوا تحركات ضباط شرطة بمصر
واضح ان المهمة عبثية وتذكرت وأنا بالابتدائي ، كان عندي صديق ، كنت شوفو بيفهم !
حامل ورقة وقلم وعم يسجل ماركات السيارات وأرقامها ( الحمد لله أيامها السيارات قلال )
أنا حبيت الفكرة وعملت نفس الشي
شافني أبي سألني شوعم أعمل وليش ؟ ما لقيت سبب مقنع وبطلت هالشغلة .
هلأ لو كان معي هيك ورقة وحدا شافها ، شو بدي برر وشو بيفكني ؟! إذا الشي الواضح ما حدا عم يستوعبو ، شلون الغموض والولدنة البحتة ؟!!!!
|
صباح الخير للجميع
إستفزني رأيك فكان لابد أن أشير إلى أن المؤامرة الكونية أيام صباك لم تكن قد بدأت بعد لكن الولدنة مازالت شغالة
تقبل تحياتي