انس الحموي

حماة قبل ساعتين الى الان ارتفاع بسعر الدولار شراء 144 ... مبيع 144.50


اخي عابر لما بقصد بكون ارتفاع بسعر الصرف بفصل الصيف ,,,لعد اسباب من المعروف الحركة الاقتصادية بتتوقف بالشتوية وما بكون في حركة استيراد لاي شي وبتنشط بالربيع والصيف والاستيراد بكون بالعملة الصعبة ,,,,كمان مواسم القمح والشعير والحنطة موسمها صيفي وهي المواسم لوحدها بتخرب الدنيا لا سيما ان تحول سعرها لدولار ,,, كمان بالشتاء بصير جمود عند كل الناس وقلة شغل بتضطر معظم العائلات تصرف من مدخراتها بفصل الشتاء على عكس الصيف بتلاقي الناس طلعت وصارت تشتغل سواء الدهان او نجار الباطون او المليس او المبلط والعجلة والمهن بمختلف انواعها مرتبطة ببعضها البعض ,,,حتى العقار بينشط بفصل الصيف وبيجمد بالشتاء ...حتى المدارس والجامعات واقساطها وتكاليف الطلاب عما يدفع الاهالي لصرف دولار لسد احتياجات ابنائهم اما بفصل الصيف بتكون الجامعات اغلقت ابوابها طبعا في كتير اسباب بس ذكرت لك كم سبب ,,,بتمنى تكون وضحت فكرة الصيف والشتاء واثر الفصلين بهل الازمة الراهنة ,,,ولا ننسى العام الماضي بفصل الشتاء ثبت طيلة فترة الشتاء على 63..64 علما بالصيف يلي قبله وصل الدولار لل110 وهبط بالشتاء وبعد الشتاء اجاها صيف تاني ووصله لل300 وبعدها اجى شتاء ورجع لل 144 وثبت ,,عالعموم اخي عابر انا اتفق معك بكل ما تفضلت وطرحته مسبقا ,,,


الذهب الكسر الان بحماة شراء 5070 ....مبيع 5090 ويوجد نقص بالذهب اليوم ما ادى لارتفاع ثمن الحجرة علما ان الاونصة سعرها ثابت ...ارتفاع ثمن الحجرة 100 دولار ..الحجرة الان 40100 دولار والتسليم بعد يومين ...صباحا ثمنها 40000

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا