رد: سعر صرف الدولار والذهب مقابل الليرة السورية لليومي السبت 30 -11- 2013
اقتباس:
المشاركة الأصلية كتبت بواسطة عابر مجيب
الله يعطيك ليرضيك من اوسع ابوابه
ووقتها بتحس باللي عم قوله
الله لا يسلط عليك الطامعين والحاسدين
وخلي ببالك نصيحة بتستنتجها من مقولة بقولها دائما أن :
المال اللي معك وحدا بيعرف فيه ، ما بيبقى إلك بيصير احتياط لفك زنقة الآخرين .
انا صادفت اتنين بحياتي فشو قلبي
الأمير طلال بن عبد العزيز ، بلقاء يمكن اسمو شاهد على العصر ، وبآخر حلقة أعطوا فرصة للاتصالات والأسئلة
اتصلت واحدة وطلبت المساعدة ، نهرها المذيع ، الأمير طلال قلو اتركها وبعدين عقب بما معناه:
انا طلال اللي الناس شايفتني بهاله خاصة ، الله بيعلم كل نهاية شهر كيف برتب وبلملم لسدد التزاماتي .
ومرة متل عادتي كنت اول الواصلين على الدوام صباحا وكنت اعمل بتحويلة حمص ، مع اني مسافر من دمشق فجر بداية أسبوع العمل ، وتلاني سائق بلدوزر من دير بعلبة ، قلي صباح الخير استاذ ووقف جنبي نتحادث ، قال والله انا بس بحسدك على لقب استاذ وغير هيك انا احسن منك بكل شي : انا بيجيني ضيف بحط صحن برغل وصحن لبن ( شوفير ) وبلبس بنطلون واحد طول السنة وممكن رقعو ( شوفير ) ..... بس انت استاذ ! ممكن تعمل متلي ؟ والله بيفضحوك ، بالله بيبقى معك شي من راتبك ؟ قلتلو لا والله وباخد الكمالة من أبي .
|
يسعد مساك أخونا الأستاذ عابر
كلامك جواهر وخبرة عمر تستحق الوقوف عندها مع انحناءة تقدير
الحمد لله الذي أكرمنا بالصحة والعافية وبرضاه
لله الحمد العبد لله ميسور الحال (أما بنعمة ربك فحدث)
وإنما أردت محادثتك وأنت صاحب الرأي
نلتقي على المحبة