رد: سعر صرف الدولار والذهب مقابل الليرة السورية ليومي الخميس 21- 11- 2013
اقتباس:
المشاركة الأصلية كتبت بواسطة dollar
السلام عليكم
قصة اقتصادية بسيطة ارجوا ابداء الراي من الاعضاء ( ماعدا واحد/ة )
علبة بسكوت دانس من سوق الهال وقت كان الدولار 200 السعر 210 ل.س .
نفس العلبة من سوق الهال تقريبا من 4 ايام الدولار 155 السعر 210 ل.س
سالت البياع قال المواد الاجنبية الشركات دغري بتنزل او بترفع السعر متل ( مارس ....) اما الشركات الوطنية لهلق طناش قلت لحالي هاد عندو بضاعة قديمة و بدو يمشيها بصراحة الموضوع ما كان كتير مهم لتاريخ اليوم مرقت على مؤسسة سندس بشارع 29ايار , علبة بسكوت دانس 230 ل.س . شي بجنن
يمكن انا متاخر بالاستنتاج بس اغلب التجار و المستوردين ما الن مصلحة يرتفع الدولار لانه بيشتري كاش 155ل.س و ببيع بضاعة على 200ل.س
بالمناسبة ياريت السيد انور ( نور الهدى) و السيد حمصي مع سبق الاصرار يرجعوا للمنتدى بما انو السيد عابر مجيب رجع .
طولنا عليكم شكرا
|
طالما أن سعر الدولار غير مستقر صعوداً أو هبوطاً فإن لدى جميع التجار والصناعين كل المبررات لاعتماد السعر الأعلى في حساباتهم. حيث أن عدم استقرار السعر لفترة طويلة نسبياً (بغض النظر عن القيمة) يحتم على التاجر افتراض أن السعر يمكن أن يرتفع طالما أنه ينخفض ويرتفع بشكل غير منطقي وبشكل متكرر.
أي أن الاسعار الحالية مرحلية ومفروضة بمداخلات متنوعة غير مبنية على اسس اقتصادية وبالتالي غير قابلة للاستمرار لفترة طويلة.
إن من واجب التاجر إعتماد سعر الصرف الأعلى المحتمل وهو حاليا السعر الاعلى الذي وصل إليه سعر الصرف مع حركة تبادل معقولة أي حوالي 250 ل س ليرة للدولار.