رد: سعر صرف الدولار والذهب مقابل الليرة السورية اليوم الخميس 14 - 11- 2013
اقتباس:
المشاركة الأصلية كتبت بواسطة غلبان
بعض الاخوان بالمنتدى بيذكروني بمقولة: "لعبني لاربح" وهي المقولة معروفة عند لعيبة الشدة، يعني الواحد منهون بحب يفصل القوانين والمعطيات لتناسب أهواءه، اذا المركزي حب يتدخل، فورا ياتي التعليق ليش هلا وليش نطر لهلا شو بدو يفلس العالم، طيب خليه يخبرنا اديش السعر يلي هوه بدو يثبتو، او لازم يخبر عن التدخل قبل 24 حتى الافراد البسطاء يقدرو يبيعو مدخراتهون........ بالمختصر، نحن بقلب معركة بين طرفين وهالمعركة على جميع الجبهات، والصعيد الاقتصادي واحد من هي الجبهات، طرف مصلحتو انهيار الليرة وطرف مصلحتو بقاءها، ويلي رح يقعد بيناتهون رح توجعو جيبتو كتير. |
اخي الكريم تحية لك (زوروني كل سنة مرة)
وين كان المركزي لما صار الدولار 325 وليش خلاه يستمر بالصعود ؟ وبعد اذنك لاتقلي ماكان معو وهلأ صار معو ولاتقلي الاوضاع تغيرت هو المفروض مايكون الو علاقة بتغير الاوضاع هو مؤسسة حكومية للكل واسمو مركزي مو لأي طرف . طرفو لازم يكون حماية الليرة السورية فقط لاغير وبمعزل عن اي شي تاني نقطة ومو شرط من اول السطر ولا اخرو بنصو منيح !! طول عمرو جيبتو عمرانة .. يعني لازم نسمي الاشياء بمسمياتا هادا رأي