رد: صالة أسعار الدولار والذهب مقابل الليرة السورية ليوم الأحد 29-9-2013
اقتباس:
المشاركة الأصلية كتبت بواسطة الليرة السورية
مرورك عالعين و الراس صديقي
اولا بخصوص الجمل بنكلة وما في نكلة انا شايف في " نكل = جمع نكلة " و كلو عم يتحول دولار " على راي البعض " او عالاقل في مين عم يشتغل ليحولو دولار
و القوة الشرائية ليست للمواطن صديقي بل لليرة يلي بجيبة المواطن
و السوق دورة اقتصادية كاملة
راتب الموظف بيبرم على كل مكونات السوق و بيتوزع عالكل
و طالما الليرة قادرة تشتري اكتر طالما الاسعار بتصير افضل
وبما انو في قسم من لاسلع مستورد بالدولار فقيمة صرف الليرة مقابل الدولار بتفرض نفسهاب السوق شئنا ام ابينا
يعني منرجع للنقطة يلي قلتها
قوتنا " كشعب " بقوة اقتصانا و اقتصادنا تمثله الليرة صديقي لانو اسمها " ليرة سورية "
اما الدولار ففي بلد معتمدة عليه بالاقتصاد تبعها و عم تطبع منو قد ما بدها بلا منية حدا وبلا احتياط و بلا غيرو
كل ما زاد عدد مواطنيها واحد و كل ما عملت حرب بتبعت عالمطبعة " اوردر "
تحياتي القلبية صديقي ماك ولجميع الاصدقاء
|
انت عيني.....المهم الليرة تصير تحسن تشتري اكتر ....اكتر من البضائع و الأكل و الشرب المتوفر بالسوق ...مو اكتر دولار و بس ..لأنو الدولار متلو متل الليرة مجرد عملة للتداول...و للأسف هذا ما لايحصل في اسواقنا..على الأقل حتى الآن ...انشالله نشوف القوة الشرائية الفعلية لليرة مقابل البضائع المحلية و المستوردة..و خاصة الغذائية و مستلزمات الأطفال......و بالنسبة لطباعة العملة كلة شغال عالأوردر...بس شي عندو و شي بيبعت اوردر لروسيا .....و ما حدا عم يدقق اذا في رصيد ..اساسا ما حدا عرفان شو في رصيد عنا بالمركزي ....و كتير قالو انو هاد شي منيح احسن ما تنهار الليرة بس هيك حكي معناتا هنن متأكدين انو الحقيقة مرة......ولا شو؟......على كلن مبروك هبوط الدولار ليلي بدو يلم و انشالله يكون الو اثر ايجابي عالقوة الشرائية لليرة لأنو ساعتها بيستفيد يللي عندو دخل بالليرة ..و كمان يللي باع دولار بليرات اقل ما بيخسر شي لأنو القوة الشرائية مفروض تكون نفسها!!