رد: صاله الدولار مقابل الليره السوريه ليوم السبت 28-9-2013
اقتباس:
المشاركة الأصلية كتبت بواسطة shereen
ههههههههه مايبلى هالمنطق اذا الدولة مسعرتو على 175 ورفعت المعاشات والبنزين على اساس 150 يعني برايك اذا رجع السعر للمنطق لح يرجعو يخفضو المعاشات والبنزين
|
انتي قلتيها
المعاشات على قولتك او الرواتب على قولتي انرفعت حاليا على اساس 150
اما سعر 175 فهاد لكسر الفراغع بين سعر الدولة و سعر السودة قدر المستطاع
منشان ما حدا يقدر يستغل فروق البيع باي طريقة
ضاق هامش المرابح للي بدو يشتري من الدولة و يبيع للسودة و زادت الخطورة فهالشخص " أحجم " على قولة الجهات المختصة عن الشراء و البيع " او شريحة كبيرة منهم " و ضلت شريحة صغيرة عم ينفد منها شريحة صغيرة و بينمسك القسم الاكبر
لا تنسي انو قبل جلسات التدخل كان سعر المركزي 135 ليرة
طبعا المركزي مانو خاروف لحتى يلاقي التجار عم يشترو دولار تمويل ب 300 من برا و يبيعهن ب 135 من جوا
لذلك حط سعر فوق المنطقي بشوي منشان يحمي حالو
و رفع الرواتب بشكل المواطن يضل محافظ على قدر كبير من القيمة الشرائية و يخفف شوي من خسارتو
لا تنسي انو الخسران الوحيد من هالمعمعة الاقتصادية هو المواطن الفقير يلي ما معو يشتري دولار لو نوى و لو فهم بهالقصص
لا المركزي خسران و لا كبار السوق السودة خسرانين