رد: صالة سعر صرف الدولار مقابل الليرة السورية 24-9-2013
اقتباس:
المشاركة الأصلية كتبت بواسطة الليرة السورية
على فكرة
انا ما قلت انو الشاري من خارج سوريا " قلت من خارج المناطق الامنة "
تاني شي انا ما سميتا لا مناطق محررة ولا مناطق منكوبة و لا مناطق سيطرة عصابات ارهابية اجرامية الخ الخ الخ
انا قلت من مناطق تانية " يعني عندك شوام وحماصنة و حلبية " الخ الخ الخ
و الشخص يلي اشترا ما كان معو سوري ابدا و يسطفل من وين جايبن و ايمت
و دفع بالدولار للبايع بما يعادل السعر المنطقي لعقارو الزلمة " و ليس بيت ابدا "
و كمان انا ما قلت باي بنك بدو يحطن صاحب العقار المباع ولا قديش العمولة يلي بدو ياخدها
و الزلمة على فكرة مو بحاجة
" اسوق عرض و طلب " اجاه رغيب للعقار و باع " بنور الله "
فالله يرضا عليكن اتركولو رزقتو للزلمة و حاج تنقو فيها
الله يعطيكم على قد نيتكم
|
آمين ....الله يعطي كل واحد على قد نيتو
بس بغض النظر عن توصيف المناطق و منين جاب الزلمة دولار ...السؤال هو بكم حسب بائع العقار سعر الدولار لليرة لصاحب الدولار؟.....يعني اذا حسبو على سعر السوق (السوداء) مو منطقي يبيعو بسعر السوق البيضاء (طبعا هو حر يمكن يتبرع فيهم كلهم) و اذا بدو يحسبهوم للزلمة بالسعر النظامي ما بظن هداك يرضى و اكيد ما كان حاسبو دولار
نحنا عم نسأل مشان نتعلم منك شو عم يصير خصوصا انك ذكرت انو في هي حالات كتير!
و الله يهني يللي باع و يللي اشترى ...يعني القصة اكيد لا حسد و لا ضيقة عين...نحنا بيهمنا نفهم شرحك لهي الحالات الكتيرة متل ما عم تقول و رح تأثر و تنزل سعر الدولار