أبو العلاء المعري

البارحة كان عندي شغل بمركز المدينة و قلت لحالي رح آخود معي 500000 ل.س ربما اجد مركز صرافة ما عليه زحمة و اشتري كم دولار، خلصت شغلي و مرقت على الشعار بالمرجة و كان في ناس كتير عالدور و بعد عملية التفاف على الدور، مثل ما التف كثيرين أمامي ، قلت لحالي ما حدا احسن من حدا و اذا في خيار و فقوس فأنا أكبر راس بصل بالمدينة، قربت من أحد الحراس و شكلو متل البدي جارد، و قلتلو أنا صحفي و بدي 3000$ بدي سافر، قلي شوف الحجي ،، كان شخص ستيني بالداخل بنادولوا الحجي و عم يكتب على صور الهويات لكل واحد من 200 الى 1000$ حسب قناعتو و شكل الزبون بعد تفرس سريع لكل واحد على حدى و فعلاً تمكنت من شراء 1000 $ بسعر 178 و لاول مرة بحياتي، و لو بدي وقف عالدور ما بستنى و لو بدون يعطوني 10000
.
المهم قلتلو أنا صحفي و بدي 3000$، قلي جيب جواز سفر عليه الفيزا و خود 8000 $.
و المشكلة أنو أخدو صور هويات و بعد شي خمس ساعات لحتى سلموا الناس و خود شنططة مالي فيها و عطش و روح و ارجع و هنن يقولوا بعد ساعة و بعد ساعتين.
رحت لعند شركات تانية و فعلاً كان أكثر من 8 شركات عم توزع، و أحد موظفي الشركات قلي اذا بدك 3000 دولار استنى لحتى نخلص الاسماء و اذا زاد بعطيك، و بعدين قلي نصيحة أستنى لبكرى الاربعاء بتاخدون على سعر 175 و بتوفر على حالك 9000 ل.س، المهم سجلت أسمي عندو و اسم ابن عمي على اساس بكرى بجي لعندو و بيمرقني من عالدور فوراً. ما بعرف اذا صادق و الا كاذب و الا عندو معلومات عن بيع موجة بيع غداً بسعر 175 . بكرى ببين معي.
الشعار قدامي ما حدا قلي باع لشي حوالي 100 __120 شخص مبالغ من 200 الى 1000$.
السؤال اللي بيطرح نفسو هون أنو شخصياً اعتقدت أن سعر السوق السودا رح ينزل لـ185 بعد كل هالبيع بسعر التدخل و لكن هذا لم يحدث، و ربما هو مرحلة كسر العظم بين المركزي و السوق السوداء.

__________________
هذا جناه علي أبي و ما جنيت على أحد