عضو أساسي
تاريخ التسجيل: Mar 2013
الدولة: سوريا
المشاركات: 962
شكراً: 1,319
تم شكره 8,011 مرة في 973 مشاركة
رد: الدولار في أسبوع - مناقشات ليوم الجمعة 19 -7 - 2013
الله يعطيك العافية أستاذ أبو عمر
أتمنى ومن كل قلبي الحفاظ على المكاسب القوية لليرة لهذا الأسبوع وإضافة المزيد من المكاسب في الأسبوع القادم
قرأت تحليل الأستاذ رامي الذي لايوفر جهدا في تقديم كل ماهو مفيد من تحليلات
وإقتداء به أحببت أن أنقل صورة الشارع السوري الذي أعيش في وسطه لحظة بلحظة خلال الأسبوع الماضي
عند إنطلاق السعر من قاعدة ال200_205 بداية الأسبوع الماضي تهافت الناس على الشراء بعد أن قاموا بالبيع عند قاع ال185
مما أدى إلى تسارع إرتفاع الدولار مدعوما بمقابلة الدكتور ميالة على قناة سما التي قال فيها أن سعر ال200 للدولار منطقيا أكثر من ممتاز قياسا إلى تجارب عملات دول الجوار كالعراق و لبنان
رافقه تصريح للأستاذ قدري جميل بأن الدولة لن تسمح للدولار بتجاوز ال400 ليرة
وأنتظر المدخرون التدخل عند ال250 ولم يحصل
ثم ال275 ولم يحصل
حتى يأس الناس من التدخل وبدأوا بالتهافت لشراء الدولار وأمتنع الصرافة عن البيع حتى وصل السعر إلى325
عندها وبدون أي تصريح بالتدخل توفر الدولار على سعر 325
وبصراحة صغار المدخرين كانوا حفيانين طول النهار وما في دولار
وفجأه تأمن
وإشترت الناس
منهم عمال وشغيلة عنا بالسوق خافوا على هالكم ألف ليرة يللي محوشينهم
حتى البويجي إشترى 100دولار حيلتو وفتيلتو
وفجأة طلع خبر التدخل وفقس السوق
وركدت العالم لتبيع
أنا شفت منظر البويجي وهو ماسك ال100 دولار وداير عالصرافة وما حدا عم يشتريها منو
وهالدراويش ركدوا وباعوا ب225 وب200 واليوم الصبح في ناس باعت ب165
من كم يوم أنا كتبت أنو هالموضوع مابيجوز
يمكن كتير من الأعضاء فكروا أني ضد نزول الدولار مع أني كنت مو عاطي فرحتي لحدا
بس أنا زعلت على طريقة اللعب بأعصاب الناس
نحنا يمكن أسمنا مضاربين بس نحنا منركب الموجة وما منصنعها
ومع هيك بعد ماشفت حرقة قلب الناس بتمنى من المشرفين تغيير صفتى من مضارب ممارس إلى أي أسم آخر بيختارولي ياه
ورح ضل أنقل للمتابعين أسعار دمشق بصدق وأمانة مو كرمال المضاربة كرمال سهل عالتجار التعامل بالليرة بدل الدولار
وتقبلوا إحترامي
__________________
<<أبو محمد>>