مشرف
تاريخ التسجيل: Jun 2010
الدولة: دمشق
المشاركات: 6,194
شكراً: 23,193
تم شكره 22,349 مرة في 4,677 مشاركة
ام صلاح : الدنية رمضان ..؟؟ شو نسيت
ابو صلاح : لك اي والله .... ما انتي استلمتيني من الصبح لسا بدي انسى اسمي كمان
اشعل ابو صلاح الدش واخذ يقلب بين القنوات
على العربية شاب يطلب محاكمة مرسي .....
في سره ( هالمصريين مو عرفانين شو بدهم .... مرسي بيتو اجار وبدهم يحاكموه وفرعون يلي قبلو ب 30 سنة ماحدا قال له ... بــــاه ) هزلت
على الجزيرة مباشر مئات الالوف يطالبون بعودة مرسي على مدار اسبوعين وقال الجيش يلي استجاب لارادة الشعب بمظاهرة وحدة .... ماعم يشوف كل هالعالم هدول موشعوب كمان .... هزلتين
كانت القنوات غير مرتبة باسلوب معين
وصل لقناة ميلودي اغاني ... شباب وبنات يقفزون كالارانب يغنون بالعربي ولكن بكلمات غير مفهومة
قلب لقناة الرسالة برنامج حواري للدكتور طارق سويدان عن اعداد القادة على مستوى الامة
اييييهههه نحنا راحت علينا الامل فيكم
وصل للسورية برنامج تسأل فيه المذيعة مدير التموين عن سبب غلاء الاسعار وحتى في المؤسسات .... يتلعثم المدير قبل ان يجيب السؤال بسؤال : اذا كانت اسعارنا مرتفعة فلماذ يتم الاقبال عليها من المواطنين بهذا الشكل ؟ لم ينتظر ابو صلاح جواب المذيعة بل تعرض لنوبة سعال
بسبب تنظيف جهازه التنفسي في رمضان بسبب قلة الدخان ....!!
على قناة الحوار العربي .... دعوة لاستيقاظ الطاقات العربية للحاق بالامم
على قناة الميادين ... انتصارات ونتائج باهرة للجيش على جميع الجبهات ومقتل المئات من الارهابيين ... ابو صلاح يالطيف اديش صار ميت ارهابيين عنا مئات الوف ... مؤامرة لعينة
على قناة الجزيرة تقدم للكتائب في كل المناطق وخسائر فادحة للجيش
على قناة اخبارية عربية تتحدث عن مأساة حلب واهلها ....
وصل لقناة ليالي ... وهي تنقل اغاني التي رشرش من الكباريهات مباشر
على قناة دبي ... مسلسل خليجي عن مديرة مدرسة وطريقة تعاملها مع البنات
يلعن ابو الدش .... مافي شي ينشاف ؟؟
قلب على ام بس سي 2 تابع فيلما عن عصابة تخطف ابنة البطل ...ومالقت العصابة غير تعلق مع هالبطل يلي صرلوا قاتل 200 واحد مشان بنتو ......بعد نصف ساعة تذكر انه شاهد الفيلم من سنوات ..... يحرء اخت التكرار
اخذ ابو صلاح يدندن ::: ماحدا لحدا يا حبيبي ماحدا لحدا
الايام علمتني انو ماحدا لحدا ....
لا تقلي ..
فتحت ام صلاح باب الغرفة ودخلت :: اوم اوم توضأ وصلي ... احسن من هالعلاك المصدي
ابو صلاح : اي والله اي والله .......
التعديل الأخير تم بواسطة غسان ; 14-07-2013 الساعة 06:30 PM