عضو
تاريخ التسجيل: Apr 2013
الدولة: سوريا
المشاركات: 70
شكراً: 887
تم شكره 501 مرة في 69 مشاركة
رمضان السنة رح يكون صعب بكل بيت سوري ومليان حزن خاصة أول يوم وقت تجتمع العيلة عطاولة الإفطار وباقي دقائق لموعد الآذان وتغص الأم بدمعها كرسي ابنها الشهيد فاضي مارح يجي عالإفطار السنة ...
وببيت تاني زوجة ضامة ولادها ناطرة الآذان وعم تبكي بشوق وتدعي لزوجها العسكري بالجيش الله يحميه ..
وبيت تالت أب مهجر مع عيلته عم يبتسم لولاده وقلبه عم يبكي عبيته يلي دمر ورزقه يلي انحرق ...
وبيت رابع عيلة ماضل منها غير الأم والأب بنت شهيدة بالتفجير وابن عسكري وابن عم يشتغل برا البلد ..
وبيت خامس أسرة مجتمعة عسفرة غابت عنها الأطباق الرمضانية وماضل الا شي القليل بسبب سوء الحال ..
وعساكر ناطرين الافطار عخبزة ودمعه مي ودمهم وروحهم فدا الوطن ودمعة عرفقاتهم ودمعة شوق لأهلهم ...
وولاد برا البلد عم يشتغلو ليبعتو مصاري لأهاليهم مشتاقين لسورية وطبخ أمهاتهم وصوت مدفع رمضان بسورية والدمع بعيونهم
دقائق رح تمر صعبة عالجميع وقت نسمع الله أكبر رح نمسح دموعنا نترحم عالشهداء وندعي لحماة الوطن ونقول بصوت وقلب واحد يارب احمي سورية ورمضان كريم يارب