اقتباس:
المشاركة الأصلية كتبت بواسطة alternative
رحلة الالف يورو
اليوم كنت مارق انا و احد من اصداقي جانب فرع التجاري 11
قلت لصديقي تعال لنفوت عل البنك تساءل ليش
قلتلوا بدنا نسال سؤال
المهم فتنا على الفرع طبعا فرع البنك
هوة الحقيقة ما فتنا دوبنا تجاوزنا حاجز الحديقة الخارجية
شفنا حجي واقف على الباب
رمقنا حتة نظرة بصراحة رهبنا وتكركبنا
وحسينا حالنا جايين نسرق البنك ونبرز ميولنا الاجرامية لا سمح الله
سالنا امروا شباب
تكلكعنا اخر شي قلتلوا والله بدنا نفوت على الرسبشن
قال خير شو هاد رسبشن
المهم النالوا بدنا نسال سؤال
قال خير سالوني الي
انت بتعرف قالوا صديقي
قلنالوا مشان الالف يورو لو سمحت
والله الحجي طلع خبير
قال اليوم ما في بكرة تعو بس تفتحوا حساب بشي بنك تاني وتحوطوا 100 يورو
قلنالوا ما فينا نفتح عنكوم قال لا عنا ما في
وبلش يحكيلنا انو اليورو ب 233 وبرة حقوا ب 250
المهم اخر شي ما فتنا وشبعنا ناظرينا بهالبنك العظيم
ونصيحة الحجي
وبصراحة كان عم يضحك مو متل اول ما شافنا
" لاتنسوا تجيبوا السوري معكوم "
|
بكرا من الصبح يفردلك السجادة الحمرا كرمال الاكرامية معلم موعلى سواد عيونك