اسمحوا لي بوحدة تالتة بس
كان عنا تاجر ختيار ( الله يرحموا ) ..
كان يشتغل بمنتجات الأغنام بالكمسيون .
شبه امي لكن عندو سرعة بديهة و شطارة و مهارة بالتجارة .
وقفت ع باب محلو سيارة كبيرة معباية بضاعة ..
و نزل صاحب البضاعة ليتأكد من نسبة العمولة .و ما ينغلب .
الزبون كان حر يعني مو ساحب مصاري او شي بالشتوية . يعني مو ملتزم مع حدا .
و بعد السلام شرح انو مو مرتبط بحدا و بإمكانو يبيع عند الي بيعطيه احسن عرض عمولة ..
و سأل عن نسبة العمولة
التاجر بدل ما يقول النسبة 5% و هي النسبة المتعارف عليا عند أهل المصلحة بهداك الوقت ..
قال : نحنا شغلتنا بسيطة و منرضى بشو ما كان و ما رح ناخد منك غير ع الورقة ( الليرة ) فرنك .
الزبون نزل البضاعة دغري و كان كتير فرحان و مبسوط ( و عم يردد شنو عالورقة فرنك بس ) .
يا أحبابنا هالصرافة ما عم ياخدو غير عالورئة فرنك ليش انتو زعلانين...!!