المشاركة الأصلية كتبت بواسطة محمد عامر النجار

والله يا صاحبي طلعت القصة مو تمام رحت أنا و اخي و بعد انتظار أكثر من 3 ساعات رجعنا فاشوش ما عم يعطي إلا لناس نادى عليهم بالاسم بعدين أجا واحد على أساس مراقب من المركزي فاضطر يسجل أسماء الناس على حسب الدور اللي كانوا واقفين فيه و بعد ساعة نادى على اسمين فقط من 50 اسم تقريبا فافهموها مثل ما بدكم يرعاكم الله ومنشان الشعر اللي وعدت فيه الشباب رح حاول أكتبه اليوم أو بكرا حتماً ( مو منشان التشويق ) بس صرلو مديري بالشغل عم يحاكيني أكثر من 45د عالسكايب منشان يفصل موظفة من عندي ويسلمني شغلها أو ينقص راتبها من راتبي بعد ما صرف 2 قبلها و بعد جدال عقيم تأجل الموضوع للسبت وصرت عم فكر جديا أترك الشام والشهادات و الدراسة اللي درستها و اطلع أشتغل بفرن بلبنان على 500 دولار بالشهر إذا سمحولي نام بالفرن بشرط يقفلو الباب عليي بعد الدوام حتى ما أسرق المكنات لأنو لسه ما بعرفوني شو رأيكم أطلع ولا أنتظر لحتى روحي تطلع و أرتاح حسبي الله و نعم الوكيل