مشرف
تاريخ التسجيل: Jan 2011
الدولة: Syria
المشاركات: 12,114
شكراً: 15,520
تم شكره 33,601 مرة في 9,056 مشاركة
جيلنا
نحنا جيل لعبة الطميمة و دئة عالي ودئة ركد والرحلات الحلوة..
وبرامج ساسوكي وماوكلي وكان ياماكان ومدن الذهب الغامضة وجورجي وسالي وهايدي وصاحب الظل الطويل..
ونحنا جيل الطيارات الورقية والرسائل الورقية والذكريات اكتب لك بالمقلوب لتدوم الم...حبة بالقلوب ....
نحنا الجيل اللى كانت كل العيلة بكل بيت بسوريا تجتمع على نفس البرنامج و المسلسل بوئت واااااحد
نحنا آخر جيل كان ينام بكير
نحنا آخر جيل كان بيصحى الصبح على إذاعة دمشق ومونت كارلو ويشعل التلفزيون ويتفرج ع شارة افتتاح البرامج التجريبية
نحنا اللي كنا عايشين طفولتنا على أغانى عمرو دياب و ميادة الحناوي ماجدة الرومي وفهد بلان فؤاد غازي .......
نحنا اللي كنا منصور بكاميرا وفيلم و تحميض وبالآخر نص الفلم يطلع محروق
نحنا اللي كان عنا تواصل إجتماعى حقيقى ومحب من كل قلبه بعيد عن الموبايل و الإنترنت
نحنا آخر جيل كان يسجل الأغانى من الراديو , وكنا بنسمعهم على الووكمان
نحنا اللى لعبنا على الأتاري و سوبر نيتيندو وماريو
نحنا اللى شفنا الإنترنت على سرعة 56 ك/ب بفاكس مودم وكنا بنفتح صفحة واحدة بس
نحنا اللى كنا منسافر بالهوب هوب و نركب السيارات اللى من غير حزام آمان ولا كيس هوا ,
نحنا اللى عشنا من غير محمول وكنا على اتصال ببعض والله يرحم ايام المقالب وقت ماكان في كواشف
نحنا اللى كنا منستأجر البسكليت (الدراجة) ونمشي فيها من غير فرامل
اييييييييييييييييييييييييييييييه سقى الله تلك الأيام
__________________
شآمُ ما المجدُ؟ أنتِ المجدُ لم يغبِ ..