الأسهم السورية ( المضارب السوري) - عرض مشاركة واحدة - انتبه هل يعقل أن يغفل الصياغ عن أن :دولار الذهب تقريبا 130 و السوق السوداء 142

03-05-2013, 03:31 PM

#22

عابر مجيب

عضوية مميزة

تاريخ التسجيل: Apr 2009

المشاركات: 4,860

شكراً: 67,497

تم شكره 35,134 مرة في 4,783 مشاركة

اقتباس:

المشاركة الأصلية كتبت بواسطة لقماان

مساء الخير أخي عابر ...و تقبل الله على الغدا ....
عفوا
صحة و هنا على الغدا ..
أخ عابر انا كتير مبسوط من اغنائك للموضوع بخبرتك و نقاشاتك العميقة
بدي اطمع زيادة و تذكرلنا المعايير القياسية :
يعني الأونصة حسب الأرقام يلي حطيتا فوء 195000
اذا بدك تبيعا برا بكم تنباع ....
هللأ ممكن الواحد يتعذب ببيعا عند يلي ما بيعرف
بس الصايغ المعلم ما بيهمو شغل سوريا و لا شغل اسرائيل
بيحسبا فيا هلئد دهب و هاد سعرا ...
يعني اذا بتذكرلنا أرقام و أسعار عن تجربتك مشان المقارنة ...
معايير كمية...فينا نقارن بيناتا و بتكون النتيجة هي محدد اتخاذنا لقرارنا
---------------
يعني النتيجة
بتطلع معنا
ذهب سوري = ذهب سعودي % أو بالعكس
ذهب سوري = ذهب لبناني % أو بالعكس
ذهب سوري = ذهب أردني % أو بالعكس
ذهب سوري = ذهب تركي % أو بالعكس
أي
الذهب سوري كم = ذهب عالمي % أو بالعكس على أرض الواقع

والله سؤالك سهل بس اللي بيجاوبك كذاب

ممكن تتوقع الجواب لو رحت على درب الكسارة على طريق المشرفة
وبتسأل العربان بيت بيت أديش نسبة المي اللي كل بيت عم يمزقوها ( فصحى قرشية ) بالحليب ، ممكن وقتها تاخد فكرة عن الجواب ، ورشة ورشة .
بتعرفها الكسارة ؟
حيث قال عاشقهم المتيم :

درب الكسارة وحل ما ينمشى بكلاش ...... ندرن ل نا وياك يجمعنا فرد فراش .

أونصة تنتين مو محرزين بيشلفو رقم بخس ، بس أكتر بيتم عمل صونداج ( يعني سبر عشوائي لعينات ) ويتم كسرها وتذويبها وتحليل النتائج بفصل الذهب الصافي وتحديد نسبته .
لي صديق كان يرسل الذهب من أفريقيا إلى بلجيكا ، ونتيجة الفروق في العيارات ، عملو خسارة مليونين دولار .
إذا وصلوا العشر ملايين $، بتغامر وقتها ، وسيدي بيكفي يبقى تمن ملايين ، نعمة كريم .