صباح الخير

والاصح ضهر الخير، بس الصراحة كتبت هي المشاركة من اكتر من تلت ساعات وبما انو نحنا دولة عظيمة بتقدم وبتأخر الساعة بميزان لا يخطئ ، يعني فعنا النت عظيم مو متل برا يعيب الشوم، اذا انقطع نص ساعة بيخسرو ملايين مدري مليارات الدولارات وبتقوم الدنيا ما بتقعد .
ذكروني بنكتة الحمصي * الي تنافس مع الاميركي والفرنسي انو هنن خارقين بالاتصالات، فبعد ما حفرو حفرو ما طلع شي، قلون شفتو هي نحنا بثنا من زمان بدون اسلاك فظائي ..
ونحنا هون لا منخسر ملايين ولا حتى قروش وكمان فوقها منتعلم كل صنوف الصبر ، وعن جد بتجي ناس بكل وقاحة بتقول القمع مو مفيد، عن جد مو طبيعيين .>>> (يرحم امواتكون يا ادارة لا تقمعو مشاركتي ونزلوها لانو معصبة من النت عنا )
اي كنت بكل بشاشة جاي صبح عليكون وقلكون مبروك تأخير الساعة مع انون مرجعينا سنين لورا، مو اقتباسا من زياد لانو ما بقى طقتو، لانو هاد واقع ، وعلى سيرتو وسيرة الي بيشبهوه كنا نقول الاختلاف لا يفسد للود قضية، طلع يفسد وكتير كمان، من زمان كان واحد ممكن يختلف معك وترجعو صحاب ورفقات، هلا كتير صعبة، وخاصة انو هيك اختلاف حقو دم ، وقت بيكون الاختلاف بشي متل الحق والباطل فصعب تبقى بحبوح وتبتسم وتقلو بعدنا رفقات، بجوز بعد هيك مشاركة معو حق النت اطق فيوزاتو وتقلي بما انو رأيك هيك فمنبشرك بقطع وعذاب ما بعده عذاب .

ويسعد اوقاتكون وبتمنالكون يوم جمعة حلو ^_^

* عن جد بحب الحماصنة *_*