عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
رسالة الى المعارض قدري جميل بشان نقل المحروقات لمناطق التوتر
السيد قدري جميل..النائب الاقتصادي المحترم
لقد أرجعت سبب غلاء المحروقات في المناطق المتوترة الى صعوبة الطرقات و قيام البعض بالسطو عليها ...أي صعوبات لوجستية و ليست بتوفر المواد :
طيب انت شخص بتحب النقاش المنطقي و أنا راح ناقشك بشكل منطقي مو مشان نضل نتناقش ...
طيب راح ناقشك مشان تئدر تفرض حلول اسعافية هون مانا عمنحكي سياسة يعني مافي شي بيخوفك و لا بيخوفني :
اذا اتفقنا مشكلة غلاء المحروقات هي مشكلة النقل ...و الصهاريج ....
عددها قليل و مانا عمتشيل المحروقات على ضمانتها و الدولة عمتخاف تغامر بسياراتا بأماكن التوتر ...أو بالأحرى الموظفين عميخافوا يغامروا بحياتون
طيب انتشرت ظاهرة ناقلي المحروقات ...
هللأ ما بدنا ناقش الجانب الأخلاقي ...
راح نناقش انو هدول الشباب :
صاروا هنن ينقلوا المحروقات على حسابون و بضمانتون و بأساليبون و ريحوها للدولة من هال الهم لقاء رفع سعر مبيعهم للمادة....
طيب السؤال هون : ليش حواجز الجيش و الأمن عمتشلح كل شي شخص شايل بيدون مازوت أو بنزين أو جرة غاز على الطرق
بدك تسألني وين راح جاوبك
الطريق الى حلب ...حاجز السلمية و الحاجز الموجود قبل الوصول الى حماة من الجهة الشرقية..و بامكانك تشوف جرات الغاز و البيدونات التازة اذا رحت زيارة لهنيك بدون طنة و رنة ................
عمتتصادر بحجة التهريب...
التهريب لوين يا سعادة النائب لو كانت الدولة قادرة انو توصلون ما راجت هي التجارة ...
أحيانا بيصادرون خوفا من دعم الارهابيين : طيب اذا حكمتوا يا جماعة الحواجز على حلب و ادلب انون ارهابيين ..شو سبب وجود الدوائر الخدمية و المؤسسات في ادلب و حلب
...............................
السيد قدري اذا خففت الحواجز من سطوتها على بيدونات المازوت و البنزين و الغاز المتجه شمالا ..تقدم بهذه الحالة خدمة لمواطنيكم في تلك المدن ...
و لا تتحججوا بالاستغلال...
فالسوق سوف يصحح نفسه بنفسه عندما يسمح بنقل المحروقات دون أن يتعرض لها الحواجز....و التنافس بين الناقلين أضف الى وفرة النقل سيؤدي حتما الى انخفاض أسعارها و بالتالي انعكاس هذا الأمر على المواطن ...
أليس سكان المناطق المتوترة مواطنين و تحاول الدولة تخليصهم من قيود المعارضة المسلحة .....
فلتخلصهم الدولة أيضا من مزاجيات و أطماع بعض الحواجز بحجة مكافحة الارهاب...
...................................
هل أصبحت الآن تدري يا سيد قدري .....
__________________
أبو حكيم الدين