عضو
تاريخ التسجيل: Dec 2012
الدولة: سوريا
المشاركات: 34
شكراً: 96
تم شكره 86 مرة في 33 مشاركة
رد: معلومات تفصيلية عن السكن الشبابي
السلام عليكم...حبيت ضيف بعض المعلومات لاني اخترت بيتي من حوالي الشهر والاستلام خلال الشهر القادم انشالله
انا سجلت على فئة ج مرحلة التسليم عشر سنوات
وبما انو المكتتبين على الفئة ب و ج لسنوات التسليم 10 و 12 عددهم قليل فتم تسليمهم هي السنة
بالبداية قرات الاعلان على صفحة المؤسسة وبحثت على اسمي ولقيت رقم الافضلية الجديد...طبعا يلي ما بيلتزم بالدفعات الشهرية اسمو بحطوه بالاخير أو احتياط...وعرفت تاريخ الاختيار
طلعت قبل كم يوم وتفرجت على الابنية المخصصة لفئتي...ارقام الابنية وخرائط الجزر موجودة على الموقع
كان رقمي 60 لذلك حطيت 60اختيار للمنازل
حطيت بالاولوية الارضي السوكة ومن ثم الحشوات
لانو سعرها اعلى
وبعد حطيت بعض المواصفات التفضيلية كالجهة والاطلالة ووصول الشمس
يوم الاختيار نصيحة انك توصل بكير منشان ما يختارولك اللجنة
علما انو بيختارولك من الارضي وانت طالع
يعني يلي رقمو بالبداية وما اجى بيختارولو الارضي السوكة وبعدين الحشوات وبعدها بالاول والتاني....
وكل منزل يتم اختيارو من شخص يتم الختم على الجداول
وانت بهل حالة بتعرف شو بقى من البيوت قبل ما تفوت على اللجنة
حسب ما رأيت بستبعد يكون في تلاعب بالاختيار...لان خالتي طلعلها ارضي ومالها واسطة....بعد الاختيار طلعت عل بيت ولقيتو افضل مما كنت اتوقع ...البواب والشبابيك تركيبهم هات ايدك ولحقني...بس البلاط ماشي حالو...وعلى قولة امي بضلو بيت وللمنطقة في مستقبل
التنظيم حلو وطرقات واسعة وفي مساحات للحدائق..بس بدها شوية وقت
وعلى هل ظروف في ناس سكنت بالضاحية
تعرفت على ناطور البناية وقلي اذا بدك تاجر انا بساعدك ب10 لل12
وقلي اذا بدك تبيع بينباع البيت 2800000
وهو بكمل الدفعات
انا استغربت الرقم وحسيتو في مبالغة
هاد كلشي صار معي
وبالنهاية نصيحة انو يلي بدو ياخد بجمعية ياخد سكن. .ياخد بالشبابي صح بيتاخر والكسوة مو كتير بس عل اقل بيعرف انو مصاريه بامان وانو لح يستلم