عضو أساسي
تاريخ التسجيل: Nov 2010
الدولة: سوريا
المشاركات: 4,377
شكراً: 8,202
تم شكره 13,170 مرة في 2,970 مشاركة
رد: نداء .. نداء .. مذكرات من الأزمة سورية ( غلي الدولار )
مع احترامي لكاتب الموضوع بس في ملاحظة صغيرة كتير ....
مين هاد التاجر اللي بيثق ببياع المازووت وبياع الغاز وبامرأة عجوز ليعطيهم ما يقارب 500 الف ليرة سورية ليسحبولوا فيهم يورو بعد يومين او اكثر .... هي ما زابطة بالمرة ....
هالايام ما حدا عم يعطي لحدا ولو 100 ل س ليوصلهم من محل الى آخر تقلي يعطيهم مئات الالوف لينيموهم بالبنك يومين وبعدين يرجعوهم للتاجر بأي ضمان هالحكي ....
بعدين طبيعي المواد المستوردة تغلى بغلاء الدولار ... ليكها البندورة والخيار ما ارتفع ثمنهم الا بسبب نقص المازووت وارتفاع اجور النقل ليش الخضرجي ما بيقلك ارتفع الدولار ....
بعدين اخي البيض بحاجة للدجاج والدجاج بحاجة للعلف وبعض مواد العلف نستوردها ايضا من الخارج ...
والحليب بدو بقرة والبقرة بدها علف لتاكل وليوصل عالبلد بدو مازووت وليغلي بدو غاز او كهرباء ....!!!
لكل سبب مسبب ولكل فعل رد فعل ... الرجاء عدم الاستخفاف بعقول الناس