بنك الشام - شفت بعيني و ما حدا حكالي
شفت
بعيني و ما حدا قللي
بالبداية انا بحب نوه اني ما عم اعمل دعاية لكن بدي احكي بعض الوقائع
انا اول شي من حلب و متل أغلب الاعضاء رحت عالشام من شان اشتري و بيع شوية أسهم
أول شي رحت على فرع بنك
الشام و يعني اجتني الجمدة من هالمنظر لأني شي ما توقعت اني اشوفه بعمري
عالم متل النمل و ايداعات على ابو موزة و صرت أقارن الشي اللي شايفه مع الحكي اللي عم يطلع عالمنتديات و فعلا شي ما بيتصدق يعني هيك بنك لو بيفتح 17 فرع بكل محافظة مو قليل لأني استنيت دوري حوالي الساعة وبعتقد هالبنك مستقبله كتيير مزهر
و صرت قول لحالي اذا هاد البنك سمعته ( زفت ) كما يروج البعض و عنده كل هالزباين و المودعين و كيف اذا اتحسنت سمعته : يعني العالم بدها تصير بالطوابير عليه
و بصراحة البنك كان ناقصه ادارة جيدة و بعتقد هالشي نحل بتغيير الادارة
و ناقصه شوية سيولة و بتنحل عن طريق المزاد على اسهم المكتتبين المتخلفين عن الدفع
بس أكيد مو ناقصه ثقة لأني هالأشخاص اللي يستنو ساعة بالبنك من شان يودعو خمس او عشرة الاف اكيد عندهن ثقة تكاد تكون ( مطلقة ) بالبنك لانه فيهم ببساطة يودعو بغير بنك و ما يستنو عشر دقايق من شان يخلصو عملياتهن المصرفية
و انا بهني كل شخص عنده حتى و لو سهم واحد ب هالبنك لأني المستقبل أله