رد: صالون سيرياستوكس ليومي السبت 4 والأحد 5-8-2012
اقتباس:
المشاركة الأصلية كتبت بواسطة Dnouri
بما أنو كلو عم بيحكي عن السوري يلي ترك بلدو و مشي قبل ما قصف يوزع نعوتو !
نحنا هون بالغربة ميتين بلا قلب ! قلبنا مع الشام
هون نحنا منخاف على شام اكتر من لما كنا بسوريا
هي مو دفاع عننا لا هي حقيقة
بيكفي سوري يحكي على سوري !
اذا ضل بالبلد بيقول مجنون عم بيلعب بعداد عمرو اذا ترك البلد بيقولوا الوطن ليش فندق
و الله حيرتوا السوري لشبع بيكفي انو عايش و بس
قلبو على بلد و رح يرجع يعمر هل البلد احلى من اول
|
دانة حبيبتي أول شي كيفك وكيف نتائج جامعتك؟؟
أنا الحقيقة كنت رايحة نام بس شفتك حطيتي هاد الرد فحبيت ادخل وضح نقطة كتير مهمة
أنا ما قصدتكون لا إنتي ولا أهلك إنتو ناس مشهود إلكون بالوطنية بدون شك بيكفي أي حدا فينا يفوت على مواضيع المساعدات ليعرف ويتأكد ويشوف الطريقة يلي استقبلتو فيها أخونا الغالي أبو حكيم الدين واستضفتوه عندكون بس إنت واضح إنك متحسسة شوي زيادة لأنك بعيدة عن بلدك أنا كنت عم بحكي عن حالة عامة عم نشهدها اليوم وشهدناها من قبل عن ناس الله وكيلك حرضت العالم على الخراب ومشان يطلعو يموتو وهنة قاعدين برا هنة وعيلون بالأمان أولهون المعارضة الخارجية مجلس اسطنبول وغيرون بس أنا ما حكيت بشكل مباشر لأنو كلنا منستخدم هالأسلوب ومشان ما نعلق نقاش سياسي اليوم لا بيأدم ولا بيأخر
وآخر هدول الناس ناس كتار من معارفي ورفقاتي الله وكيلك هلكونا حكي ومسخرة وشعارات وتحريض وبعدين لقيناهون هوووب طلب هجرة على أمريكا وكندا أو فريكة على دبي
ويلي بيزعج أكتر إنون هلأ قاعدين شي بيطالبو بعقوبات وشي بتصريف دولار ليخرب الإقتصاد على رؤوس من بقي من السوريين وغالبهم من الفقراء لأنو هنة خلص سحبو أموالهون برا البلد وقلبوها دولار ويورو وغيرو وبيجو بيطعونوا فينا نحنا البقيانين
وأكيد لا أنا ولا أخي الحاج بسام قصدنا الطعن بكم أو بأي شخص على وجه التحديد
وبكل الأحوال أنا أعتذر إذا أزعجك الموضوع
__________________
سورية يا عشقي الأول والأخير