رد: صالون سيرياستوكس لأيام السبت12 والأحد 13 -5-2012
اقتباس:
المشاركة الأصلية كتبت بواسطة غسان
آنسة روان ممكن تعطينا ملخص عن المحاورة التي جرت بينك وبين الاخ نجم ....ولكن بالعربي
نحنا عربي ...وهه يادوب عم نفهم
|
من عيوني أستاذ غسان "أخي العزيز أبو يزن"
كان نجم عم يقول إنو ملاحظ إنو معظم المستثمرين يلي فايتين عالسوق جديد عم يفوتو بهدف الاستثمار الطويل الأجل فسأل شو رأينا
فقلتلو إني شايفة إنو هاد التوجه صح باعتبار الاسهم كتيير نازلة عن قيمها العادلة وأكيد على المدى البعيد بس تخلص الأزمة السياسية رح ترجع الأسعار تطلع
فقللي ليش ما منبيع من فوق ومنشتري من تحت عالسريع باعتبار الأوضاع بنظرو ما بتدعي للتفاؤل في ظل عدم التأكد
فقلتلو إنو معظمنا هالأيام بيشتغل بهالطريقة وباعتبار صندوق الكنز مقرب فكل الناس عم تحاول تشتري وتستنا لتبيع بعد دخول الصندوق بس في مننا ناس مخلية جزء للمضاربة وجزء للإستثمار وقلتلو إنو في ناس بتبع وبتشتري بكل مصاريها المستثمرة ياأما لأنها ما بتثق إنو الصندوق جاية أو لأنها بتعتقد إنو لو دخل الصندوق بتلحق تشتري بأسعار منيحة أو التنين سوا
وحطيت جملتنا الشهيرة إنو هي ليست دعوة للبيع أو شراء وإنما مجرد رأي أو شي نفكر فيه