عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: سعر صرف الليرة مقابل الدولار 10-5-2012
اقتباس:
المشاركة الأصلية كتبت بواسطة ماهر ابو عدنان
صباح الخير مرة تانية
بدي احكي لكون قصة صارت معي يوم الخميس يمكن يكون فيها فائدة للأعضاء
مبارح اشتريت دولار
ورحت على بنك الإسلامي الدولي فرع الحريقة وصلت على الموظف عطيتو المبلغ قام حطو على العدادة أول مرة طلعت العدادة منو كم ورقة عاد الكرة كذا مرة قام أخد الكم ورقة وراح لغير عداده نفس الشي بلش الفار يلعب بعبي ورد راح على عداده تالتة مامشي الحال نفس النتيجة كل الوراقات يلي معو عم يطلعو لبرا قام اخدو لعند رئيس القسم بالبنك وصارو يتفحصون إنا هون قلت أكلناها متل المرة الماضية مزور وصرت حاكي حالي قلت مستحيل إنا شاريون من عند صراف محترم كتير بل العصرونية المهم رجع الموظف وقلي هدول بدللنا ياهون قلتلو مامعي غيرون قلي مامناخدون طيب شبهون قلي ما مرقو على المكنات كلا قلتلو مزورين قلي لا بس ما مرقو على المكنات كلا الغريب بالموضوع انو الورقات يلي ما مرقو على المكنة والله اكتر من 10 ورقات وكلون طباعة 2006 يعني مو قديمة والأغرب انو طلعلي ورقة من الورقات قلي هي الورقة بالذات نحنا ما مناخدها ورقة فئة 100 دولار طباعة 2006 عليها خيال حرفين كبار us بالزاوية اليمينية من فوق وانا أول مرة بشوفون هنن مو بايني بس على الضوء بيطلع خيالون
قلتلو طيب شو العمل قلي هدول شغالين مو مزوري بس نحنا هي أوامر جديدة إي ورقة ماتمرق على العدادة مامناخدها
رغم انو هنن بس من أسبوع كانو الورقة يلي على العدادة يلي مابتمرق يفحصوها بجهاز التزوير وياخدوها
وجعت راسكون بس حبيت احكي لكون هل القصة لأنو قصة ورقة يلي عليها خيال us إنا أول مرة بشوفها
والسلام عليكم ورحمة الله
|
الله يسامحك على هالعلئة ، هلأ بيجينا ابراهيم طاهر وبيقلنا شفتوا ؟! وبيرجع يحكيلنا قصة اللي انجلط وعدادات 2014 .
بس بدك تحمد ربك انو شيرين اليوم يا لساتها نايمة ، يا مشغولة بضب الشتوي وتطليع الصيفي ، وإلتعزيل ، والله إذا حكت شي بتكون انت افتريت على حالك وما رح دافع عنك ، قال مو كل مرة بتسلم الجرة . كل مرة بنمون عليها بس هالمرة ما عاد إلنا عين .
يضرب هالبنك شوف غيرو
أنا آسف حقيقي بس قصتك مؤلمة لدرجة الإضحاك ، وحقيقي شر البلية ما يضحك .
تاني مرة اشترط تسليم الدولار واصل ظهر العدادة .هههههههههههه
تحياتي .