
رد: مقارنة بين نتائج البنوك السورية الخاصة لعام 2011-الارباح الحقيقية-
اقتباس:
المشاركة الأصلية كتبت بواسطة لقماان
صباح الخير أحتي روان
بس تأكيد لشرحك بالغالب بتكون قيمة السهم عند التصفية أعلى من القيمة الدفترية للسهم
لأنو عند التصفية بيصير في اعادة تقييم للأصول ....
و على علمك بيكون في أصول كتير أهلكت محاسبيا على مبدأ التحوط و هي ما زالت منتجة و حتى في منون بيكون أسعارا تضاعفت بأرقام كبيرة عن سعر الشراء قبل الاهلاك
مثل الأراضي و الأبنية ...........
|
مو دائماً أخي ابو حكيم بتطلع عنا أرباح تصفية والموضوع كمان بيتوقف على طريقة التسجيل يلي متبعتها الشركة (فممكن تكون مسجلة بالتكلفة التاريخية وممكن تكون مسجلة بالقيمة العادلة أو القيمة القابلة للاسترداد) وهي كلها طرق تسمح بها المعايير حالياً
وبدنا ما ننسى إنو كمان بيتوقف الموضوع على وضع الأسواق والاستثمارات بالبلد وسهولة تسييل الموجودات وأنا ما بعتقد إنو وضع البلد هالفترة بيخدمنا بهالشغلة
بس أنا كتييييييير مبسوطة إنك فتت أخي أبو حكيم اشتئنالك واشتقنا لمشاركاتك وغني الموضوع بمشاركتك فيه

