رد: سعر صرف الدولار مقابل الليرة 18-4-2012 بالسوق السوداء
اقتباس:
المشاركة الأصلية كتبت بواسطة economic opinion
والله غريب أخي expert إنك سألت هيك سؤال وإنت بتعرف إنو الدولار بينطبع وغطاؤه هو "السمعة" لا احتياطيات دهب ولا غيرو مع إنو هي شغلتك فما توقعت تغلط فيها لما ما فرقت بين الميزانية والموازنة 
لأ ومفكر إنو دعم المحروقات عنا ما بيكلفنا شي  |
اقتباس:
المشاركة الأصلية كتبت بواسطة غالب
اهلين وسهلين بأخي اكسبيرت ويا ريت نعرف اسم حضرتك لنحسن نخاطبك بالاسم .
هل الليرة عملة طبعا عملة ومين قال غير هيك ,النقاش كان انو كام مليار دولار بدو يكلف تعويض من نزح مع اصلاح بيوتهم . فقلنا بالليرة وليس بالدولار .
هلء طباعة بدون رصيد وكل سبعين ليرة بيصيروا دولار هاي عجبتني . بس بحب قلك باختصار ان كل دول العالم تطبع عملات ورقية مقابل اشياء غير ملموسة واشياء ملموسة . يعني امريكا عندما تطبع دولارها كان سنة 73 يعادل كل اونصة ذهب 35 دولار واليوم كل اونصة ذهب 1650 دولار وهل تقول لي ان عملة الدولار الامريكية مغطاة بشو انا شايفها مكشفة ومكثرة صحيح انو امريكا عندها ذهب كثير بس يا ترى لما بتطبع طبعة جديدة بناء على شو اكيد مو على غطاء لا جرجف ولا لحاف .
المقصود الان وبكل جدية ان ما يسمى بالغطاء قد انتهى عندما فكت امريكا ارتباط دولارها بالذهب واصبح العالم كله حارة كل من ايدو اله .
الغطاء اليوم منوع ومشكل يشمل الذهب , والعملات الاجنبية ( والي هيي غير مغطاة الا جزئيا ) ويشمل قوة اقتصاد الدولة واقصد بها اي دولة من سياحة وزراعة وتصدير وثروة حيوانية وقمح وتحويلات خارجية ويشمل الفائض التجاري اي التصدير اكثر من الاستيراد .
وما دامت الدولة قادرة على توفير الخدمات والسلع بالعملة المحلية واقتصادها متين ويقف على رجليه فالعملة مغطاة .وبامكانها ان تطبع بقدر حاجتها .
اما الغطاء الكامل والذي يبحث عنه شعبنا وهذا من حقه جزئيا هو امكانية استبدال الليرة باي وقت باي عملة او بالذهب باسعار معلنة كل وقت واي كمية وهذا من حقه .
اخيرا اقول لا يوجد دول بالعالم لديها الغطاء كامل بما فيها اوروبا الذي تتذبذب عملتها احيانا بفارق 10% خلال فترة قصيرة . والموضوع نسبي دائما .
|
شكرا لتحويلكم الموضوع من تامين غطاء لليرة الى تامين غطاء للدولار
ذكرتوني
لما بتقول دول الخليج ديمقراطية بسورية بنرد عليهم
انشاء الله لما بتصير النساء تقود السيارة بالسعودية
يعني افضل وسيلة للدفاع هي الهجوم
بس يا اخي امريكا لما بتطبع بيجتمع مجلس الاحتياطي الفدرالي بشكل علني وبيقرر التيسير الكمي او بيرفضه
يعني لما بيصير في شفافية للقرارات هداك الوقت ما بيهم الغطاء لانو الثقة (وهو ما نفتقده) هو اهم مافي الامر
اظن بتتذكروا من حوالي اربع شهور لما طلع ميالة وقال انو رح نطبع بدل تالف باحدى الدول
و بعدين من اقل من شهر بينفي المركزي على لسان مصدر مسؤول (خجلان يكر اسمه)اي عملية طباعة
يعني لو من البداية كانت الدولة مستعدة لتبديل العملة بدولار او دهب او اي شي تاني وبتضمنه
ما كنا وصلنا لحالة التذبذب بسعر الصرف الحالية
بس حتى الان كل واحد بيصرف دولار بيتعامل معه الجانب الحكومي على انه متامر و متاجر بقوت الشعب
وعلى كل حال يللي معتبر سعر الدولار حاليا كويس (مع انو غلي 50% على الاقل عما كان عليه من سنة) انا متاكد انو عم ينظر وانو ما بيملك مليون ليرة سورية كعملة سورية ما حولها لاي شي (عقار او بضاعة او دهب او عملة اخرى)والا كان لعن سلسفيل يللي شاف الليرة عم تفقد قيمتها وما تدخل مع انو قادر على التدخل
و بالنسبة لاسمي
انشاء الله قريبا لما بتلتغى الموافقات الامنية و الى ما هنالك رح قوله
لانو اسمي شوية نادر وممكن انعرف بسهولة من خلاله
ملاحظة الحصول على خدمة الدي اس ال ياخذ موافقة امنية حتى الان
طولت عليكم
اسف