الأسهم السورية ( المضارب السوري) - عرض مشاركة واحدة - اجتماعنا باسمنت البادية روايـــة مساهم ....

22-03-2012, 04:28 AM

Salam L

عضوية مميزة

تاريخ التسجيل: Oct 2009

الدولة: سورية

المشاركات: 5,533

شكراً: 9,602

تم شكره 8,287 مرة في 3,384 مشاركة

رد: صالون سيرياستوكس لأيام الأربعاء 21 والخميس 22 والجمعة23 -2012

اقتباس:

المشاركة الأصلية كتبت بواسطة عابر مجيب

مدرسة الاسمنت
ذهبت للدرس وكلي شوق لمعرفة المادة الجديدة ، في المحاضرة السابقة قبل سنة تعلمنا أن نكون ممتنين للطش 20% من أسهمنا بالقسمة بدون باقي . تم تقسيم السهم على خمسة ، ومن ثم طرحوا واحد بقي لنا أربع أسهم ( طبعا هذا للوحدة ، بعد ذلك تضرب الناتج بعدد أسهمك ) والظاهر تم التقسيم لكل الأسهم بالبورصة بنفس الأسلوب حتى لا نستغرب لماذا تم التقسيم على الرقم 5 . يعني اللي قرر واصل لفوق فوق . ويفسر كل شيء لمصلحة المستثمر وسهولة حركة السهم . ولا أحد يشير إلى إلهائنا بكيس التراب لتمرق البسكليت .
اليوم تم استعراض المنجزات الرائعة وأهمها صحة وسلامة العاملين والزائرين للمصنع ( قشعر بدني ). وإن كان ناتج العمل مبهدلا إلا أننا تأكدنا من الرغبة الصادقة في التحسين والتطوير للأفضل . وكانت الخسائر تافهة مقارنة بالجودة فالمستثمر الواعي يعلم أن المال وسخ الدنيا ونيال فاعل الخير عند الله . ( بالفصحى هنيئا لفاعل الخير ) . فالأصل هو للنوعية لا للكمية .
طبعا المشكلة كانت بالخسارة بسبب خدمة الدين ( فوائد الاقتراض ) والذي تم رغم أنفنا ، نحن كان أولى لنا أن نعطيهم المال بصفة دين ونأخذ فائدة وسط بين دائن ومدين ، أربح لنا وللمصنع ولا أقول لهم ( فكأنما الإدارة طرف ثالث متآمر وخائن للمصنع ).
الجزء الأكبر من أسباب الخسارة هو فرق العملة ، والحمد لله حاسبين الدولار على 55 . لو حاسبين على 79.5 كانوا خفضوا لنا قيمة الأسهم للنص . الخلاصة الدين وما تسبب به بين فوائد وفرق عملة كان حوالي المليار وربع .
المشكلة وين ؟ مو طلع ما فينا نعرف سعر المبيع ! ومو تاري ما في حماية للمنتج الوطني ! يعني اضطروا يبيعوا بخسارة لينافسوا الأسواق المجاورة ( الحقيقة كان هنالك شفافية بالطرح

وتم التطرق لتفصيلة أن التريلا التي تورد الاسمنت تخرج وقد عبأت خزانها بالمحروقات المدعومة منشان هيك بتوفي معهم وقادرين ينافسونا !).
وبعدين نحنا شو دخلنا بالسعر الذي يشتري به ( المدفر ) انشالله بتعرفوا المعنى الحقيقي للكلمة .
المدفر أو تاجر الجملة مو حرام ؟! شرحلنا السيد الصواف الصعوبات اللي عم بيواجهها التاجر للوصول إلى المستهلك ، وعلى الرغم من الاستفاضة في الشرح التي أوشكنا أن نطالب على إثرها بتعويض التاجر ، نعم على الرغم من كل الجهد نسي بند التحميل والتنزيل الذي سيتكبده المسكين التاجر ، ولا ذكر كم كيس رح ينشقوا !
قبل ما انسى سأل واحد عن القروض المسببة للخسارة ! وكان بلا ميكروفون ، أنا سمعتها بالدال وافتكرتوا عم يسب على اللي جالسين على المنصة .

بالنهاية خرجت باللاستنتاج التالي :
شركة مساهمة فقط لتتستر بالمساهمين ، وتصبح محدودة المسؤولية .
مجموعة شركات ضمن شركة وهم :( إدارة المشروع ، تاجر الجملة ، ومجموعة بنوك ، يتلحوس منها البريد السريع وصالات الفنادق )
فتاجر الجملة رابح ، والبنوك معطية القرض رابحة وإدارة المشروع رابحة بالرواتب على أسوأ تقدير .
إذا بتذكروا سائق التركس الحمصي اللي ما رضي ياخد دين على اساس تثبيت سعر الدهب ، ممكن تتخيلوا مدى جهل اللي اتخذ قرار الاستدانة بالدولار من البنوك ، ما بدي قول خبثه وخبث البنوك معه .
الحديث سيطول أكثر وما فشيت قلبي يلا بيكفي .
انشا لله تتغلب الاستفادة عندكم على الملل من التفاصيل .
تحياتي .
فقط نقطة أخيرة لمن يعزي نفسه بموجودات المصنع وبأن المنشأة نفسها قيمتها بالدولار لو بدنا نستوردها مرة تانية، هيك المفروض نحنا ما ربحنا بس خسارتنا أقل .
كل شوي بتذكر مفخوته يلا حاج هيك للسنة الجاية بقا .

منيح ماحدا اتهمني انو عندي اسهم بالبادية....كانوا قالوا انو الحق عليي واني نحست السهم هههه

__________________

اللهم إنه لا مانع لما أعطيت...ولا معطي لما منعت