رد: في ظل انهيار العملة ، كيف يفترض سداد الديون بعددها أم بقيمتها ؟
اقتباس:
المشاركة الأصلية كتبت بواسطة فراس السكري
أعلم بأن دفع الربا حرام ، ولكن ما حكم دفع الربا الناتج عن التضخم ؟ مثلا : إذا اقترضت مبلغ 50 جنيها وأريد أن أعيدها بعد 5 سنوات ، قيمة ال50 جنيها بعد 5 سنوات ستتغير ولذلك فإنني سأدفع القيمة المساوية للمبلغ الذي اقترضته بعد 5 سنوات.
|
اقتباس:
المشاركة الأصلية كتبت بواسطة فراس السكري
أريد أن آخذ قرضاً للطلاب وعليه فائدة تضخم فهل هذا يجوز ؟.
الحمد لله
......
والله تعالى أعلم .
|
هاد الكلام لايمكن يكون صحيح, لأنو هادا بيجيب ظلم وغبن واضح للأعمى والدين لايمكن ومستحيل يقبل بهالشي.
وبعدين مين هاد يللي بدو يقبل يديّن حدا. ما بيكفي أنو تخلى عن مصاريه لفترة من الزمن حتى يفك زنقة غيرو, وكمان بدنا نرجعلو ياهون أقل قيمة, شو هالحكي هاد.
كل هل الفوضى والحالات الغريبة يللي عم نشوفها هي بسبب النقد الورقي, ووحدة من الحالات الغريبة يللي عشناها live هي موازنات البنوك يللي طلعت ربحانة (أرباح بنك قطر فوق المليار ليرة) بينما نفس البنوك موازناتها بتكون خسرانة لو تقيمت بالدولار وهادا برأي مسخرة واضحة ناتجة من "بركات" النقد الورقي.
لو كان النقد ذهبي كنا كل هالحالات ماشفناها وكانت الموازنات مظبوطة وكان يللي بيديّن حدا بترجع مصرياتو بنفس القيمة ولافي تضخم ولامايحزنون وفوائد أخرى كمان أهم بكتير بس مافي مجال لذكرها.
أحكام الدين نزلت بوقت كان النقد ذهب وفضة مو ورق, ويللي بدو يطبقها عالورق بيفوت بالحيط وهادا يللي صاير فينا.
طبعاً أنا ماأقصدت من كلامي أنو نرجع للنقد الذهبي لأنو النقد الورقي هو نظام معتمد ومفروض عالمياً وبدنا نتعامل معو شئنا أم أبينا بس بالعقل.