رد: صالون سيرياستوكس ليومي الخميس والجمعة 2 & 3 - 2- 2012
اقتباس:
المشاركة الأصلية كتبت بواسطة best time
اعتذر منك اختنا العزيزة
اذا لا سمح الله تم دهس انسان بالخطأ من قبل سائق (وهذه تحدث يوميا للأسف وبالخطأ البحت). لنتعتبر الذي دهس اخ لنا لا سمح الله وهنا سناريوهين وكان هناك تصوير للحادثة بتفاصيلها
1- قام السائق بتحمل مسؤليته واخذ المصاب الى المستشفى وثم قام بلأسف ودفع دية المتوفى وكان جاهز للمحاكمة ومن قبل القانون. ما شعورنا تجاه هذا الشخص؟؟؟ تصرفه لن يعيد المتوفى ولكن نكن له احترام على تصرفاته وتحمله مسؤليته وانسانيته.
2- قام سائق اخر بالهرب فورا بعد دهسه بالخطأ. و تم القبض عليه لاحقا ولم يعترف بما حدث وقال انه المتوفى مجنون وهو الذي القى بنفسه امام السيارة بهدف توريط السائق. ما رأيك بهذا السائق؟؟ هل سيعود المتوفى بهذه الرواية؟؟
ولك جزيل الإحترام
|
أخي الكريم أكيد كلامك صحيح 100% بس أنا شايفة إنو الحالة هون مختلفة تماماً إنت هون عم تحكي عن علاقة مباشرة وبين شخصين فقط "سائق وبني آدم عم يقطع الشارع" بس بهي الحالة أنا مالي شايفة علاقة مباشرة بين يلي استقالوا والمواطنين المتأذيين
يعني خليني حاول إشرحلك... إذا هاد السائق يلي دعس هرب يا ترى فينا نحاسب والده أو والدته باعتبار هو بيتبعلون أو إبنون ؟؟
هلأ الحالة بنظري صعب شوي مقاربتها بشكل عام، بس نحنا هون عم نحكي عن ناس دبحت بعضها بالعشرات كرمال مباراة كرة قدم؟؟ يا ترى الأمن ما حاول يتدخل؟؟ طيب ياترى أثناء تدخل الأمن "في حال اتدخل" عناصرو يلي عم يحاولوا يوقفو الإشتباك ما اتأذو كمان؟؟
طيب شو علاقة المحافظ و كل المسؤولين بهالموضوع؟؟ هل هدول المسؤولين كان لازم ينزلوا عالملعب على وجه السرعة مشان يفضّوا الإشتباكات؟؟ كانو هدول الـ 3 مسؤولين قدروا يفضوها؟؟ تعيين حدا جديد غيرون هل رح يضمنلنا إنو الناس ماعاد تعلق مع بعضها بالمباراة؟؟
أنا بشوف المشكلة مو بهدول الـ 3 مسؤولين أنا بشوف المشكلة بالتربية " بالناس يلي بلشت تقتل بعضها بدون رحمة"
اعذرني الله يخليك أخي العزيز بس النقاش مهم لأنو بيوسع المدارك وبيساعد كل واحد فينا يأدرك مسؤولياته مو يضل يشتغل على مبدأ الشماعة
