الأسهم السورية ( المضارب السوري) - عرض مشاركة واحدة

26-12-2011, 03:55 PM

#15

غسان

مشرف

تاريخ التسجيل: Jun 2010

الدولة: دمشق

المشاركات: 6,194

شكراً: 23,193

تم شكره 22,349 مرة في 4,677 مشاركة

رد: الفصول الاربعة

آرتين :

لك شو أم تخبصي انتي ؟؟
باين انتي واخد مابدو يصلوا عالنبي
سكر تمو...... سكر تمو .....
هس....... الخيطان الها ودان أبو سأد

أبو سعد : ايه بلا أبو سأد ...بلا أبو نحس
أصلا ما وصلنا لهون الاهالكلمة !!! ؟؟؟
ليش لأسكت ...آه
بتعرف انو أنا لو حكيت من أول أول ما كنت تدهورت هيك ......

آرتين : كيف ؟؟

أبو سعد :
يعني مثلا بأول تفليسة كنت لازم اجمع التجار بغرفة التجارة وقلون ياجماعة اتقوا الله
هلأ التاجر اللي مفكر حالو ذكي وبدو يربح كتير وعلى مبدأ اضرب واهرب وعلى حساب سمعة البلد ..
يعني بيجي المستورد الاجنبي وبيوصي على بضاعة مثلا أحذية نوع أول والمسطرة معو وبيدفع حق البضاعة وبس ليصل على بلدو وتجي البضاعة بيلاقيا من النوع العاشراللي بيفتح تمو من اول لبسة وبيطلع عندون بالتلفزيون ""احذروا البضائع السورية "" مو لازم كان يتحاكم على الجريمة اللي عملا؟؟؟
كنا لازم نرفع صوتنا ونحكي بس سكتنا .؟...ليش الخوف ؟؟؟
هاد التطبيل والتزمير هوة اللي خلا الفاسدين يتمردحوا اكتر
احكليك كلمة شبك ساكت ؟؟

آرتين ..ايه فهمت اليكي يأني ألى مبدأ ..يا فرئون مين فرأنك ....

أبو نحس : يرحم بيك ياأبو هاكوب ..هلأ صرت عم تحكي عربي مفهوم

صحي شو أخباروا هاكوب ؟؟؟
وانت كيف شغلك ؟؟

آرتين : آخ ياخيي ...شو بدو الك ل الك
منيخ ....منيخ ....
بأد مابطل تسوير الكمرا أم ملاية فتخنا محل تسوير ديجتال ......
صخي سور سريعة بس مافيو روخ أبدا أبدا ماخبيتوا منوب منوب
بس هاكوب هو شغال فيو تمام تمام
في رزئة يأني

بس انتي لا تفكري تفتخي مخل تسوير انتي منخوسة خبيبي
بيطلئوا السور بالتخميض كلو مخروء

ايه ... تيب هلأ شو بدك تساوو ؟؟؟؟؟؟؟؟

هنا أحكم أبو سعد قبضة شفتيه على ثغر مبسم الاركيلة وسحب كمية هائلة من الدخان المتبل بنكهة ورائحة الورد ...............ثم نفثه من فمه وأنفه الى الاعلى على شكل دوائر وقال :

يتبع في الفصل الاخير من الفصول الاربعة

التعديل الأخير تم بواسطة غسان ; 27-12-2011 الساعة 09:52 AM