رد: المتابعة اللحظية لجلسة تداول الاثنين 26-09-2011
اقتباس:
المشاركة الأصلية كتبت بواسطة لقماان
مسا النور أختي أم محي الدين ...
الله يفرج على الجميع ...........
...............
يا ستي ان شاء الله رب العالمين بيستجيب دعائك................
و بين الجد و المزح ما بتعرفي باذن الله
رب العالمين يوسع علي من غايب علموا ....
الرزق بدو حركة و تعب ............
بس لازم يكون في خطة للحركة و للتعب و توفيق من رب العالمين
يعني يلي عميهرول مكانوا في عندو حركة و تعب بس ما في نتيجة ........
و الله أنا عم أتحرك و عمخطط .............سبحان الله مانا عمتظبط معي ..........
بعنا دهب برخيص
اشترينا أسهم بالغالي
تدينت دولار ووعدت بترجيعون دولار
بعتون وأتا ب 45.75 و رحت اشتريت أسهم بنك الشام ب1450 بناء على تأكيدات من أعلى المستويات في البنك بدخولوا البورصة بعد المزاد ..........
من فترة رجعتون بعد ما طلبون صاحبون بعت السهم ب875 و اشتريت الدولار ب51.5 ........
شايفة اختي انو الشغلة توفيق من رب العالمين أكتر منا حركة .....
أكتر مني ما حدن تحرك ...........
بس هي درس من رب العالمين لألي مشان ما أهجم على الدنيا و ما فكر حالي بذكائي عملت هالشي يلي عندي بفترة قصيرة نسبيا
يلي هللأ راح الكتير من شآ العمر كما يقولون
بس ألف الحمد لله رب العالمين انو انقذني من عدة مصائب و تلطف بي و بعائلتي بكثير من الأحيان في أحداث حمص و نحن نعيش برحمة الله سبحانه و تعالى لنا ...........
مشان هيك أنا بحاجة للدعاء الصادق ...
|
كله بروح وبيجي بهي الدنيا ...
الحمد لله على صحتك وصحة عائلتك واولادك