عابر مجيب

استكمالا لأذكى الفطن ، يقول البعض : ما فاز باللذات إلا الجسور . ولكن البعض اللي داقوا اللوعة بيتمسكوا بالقول : ليس المغامر محمودا وإن سلم .
نحنا رح نحسن الظن ورح نتأمل باستمرار المخالفات اللي رح تمول بريعها الصندوق ورح نفترض أن الصندوق فيه مليارين ما بيخلصوا مع أن هذا المبلغ هو حوالي 13% فقط من رأسمال أحد البنوك بعد الزامها برفع رأسمالها اللي لهلأ ما فهمنا ليش .
ما رح نحط بعين الاعتبار أنو بالعادة ما بيصدر قانون إلا لمصلحة أحد ما : يا مستورد طفايات حريق ، يا صناديق اسعاف أولي ، يا جهاز ترتيب الدور متل اللي بفرع المصرف التجاري اللي بالمزة اللي عرقل العمل أكتر ، أو مؤسسة مياه الفيجة اللي بوقت الزحمة ما بيجتمع أكتر شي تسع زلم .
لذلك منتفرج ومنشوف ، كل المخاطرة بتنحصر بفوات ربح من اللي كنا رح نشتريه وبيضل بينوبنا من الحب جانب وبيرتفع سعر اللي عنا . انشا لله ما نندم بكرا اذا تبين انو الرفع وهمي ومؤقت وياريتنا بعنا وقت ارتفعت الأسعار وضربنا ضربتنا وصدنا الهامور بدل ما يصيدنا .
الخلاصة : من تأنى نال ما تمنى .
لا حول ولا قوة إلا بالله نسيت قول أول شي صباح الخير .