عضو مشارك
تاريخ التسجيل: Mar 2011
المشاركات: 195
شكراً: 651
تم شكره 518 مرة في 165 مشاركة
رد: متابعة رحلة رامي العطار الى الاردن
اقتباس:
المشاركة الأصلية كتبت بواسطة broker
ايجابيات ببلاش :
- أول ايجابية هية بسماع نغمة من الشارع تكررت كتير ..... فسألت شو هاد الصوت فطلع ( بياع الغاز ) ....
النغمة غير مزعجة ولا تتوتر منها ولا تنزعج .... ولا ينادي بياع الغاز بأي صوت آخر . |
عنا بحلب : تطورنا بالنغمة مع المحافظة على التراث القديم بالخبط على جرة الغاز.. يعني النغمة +يخبطو على الجرة وبيصيح غاز ومشغل النغمة بالمسجلة ( يعني 3بـ1)
اقتباس:
المشاركة الأصلية كتبت بواسطة broker
- الايجابية الثانية كانت في الباص ، ركبت باص مع صديقي مع توديع ابو معاذ ، تقريبا شكله نفس شكل باصاتنا الجديدة الخضراء ... لكن من الواضح انها في الاردن من سنوات أكثر .... فالميزة فيها أنها "مكيفة" ...... اما الميزة المجانية هي بوجود زر أمام كل
|
ومين قال انه باصاتنا غير مكيفة هي مكيفة بس على الساخن .
اقتباس:
المشاركة الأصلية كتبت بواسطة broker
راكب يكبسه اذا ارد النزول .... هذا الزر يشغل ضوء احمر عند السائق فيقف ، فلا تسمع صراخاً من آخر الباص ولا عياط ولا تخبيط على البواب ...... حضارة مجانية !!! ... |
هذا يخلق نوع من عدم التواصل الحي بين الراكب وسائق الباص
اقتباس:
المشاركة الأصلية كتبت بواسطة broker
- حضارة سياحية : التكاسي
التكاسي في عمان نوعها ياباني ( توتوتا - نيسان ) منظرها جميل وشكلها ولونها موحد ، في التكسي عداد متل اللي عنا ..... لكن عندما تشير للتكسي للتوقف لا يسألك أين طريقك ؟؟!! فإما ان يمشي او يرضى وهذا مخالف عندهم وغير وارد ، ثم انه يصفر العداد مباشرة فلا يتحجج بانه معطل او يتناساه .... وتركب بالسيارة الفخمة المريحة المكيفة "فرشها جلد " وعندما تصل تدفع ما يظهر على العداد !!!! بالضبط بالسنت بالقرش ..... |
نحن منخاف على الراكب يركب تكاسي فخمة بيقوم تنفسد أخلاقه ويتعود على التكاسي وبيصير يدفع راتبه على التكاسي وبيعود بيقول انه راتبه لا يكفي مما يطالب رب عمله بالزيادة ...مما مما مما ....
اقتباس:
المشاركة الأصلية كتبت بواسطة broker
يعني يلي صار معي انو طلع على العداد 0.80 فعطيت الشوفير 1 دينار ونزلت بحكم العادة ، وبكنه نادا لي واعطاني 20 قرش !!!!!! وبعدما نزلنا قلي صديقي هون الدفع على العداد حتى لو طلع 0.86 برجعلك الباقي .
|
نحن المواطنين ما بيسألو على الفراطة , الراتب بيكفي لأكثر من اسبوع وأحياناً لأسبوع ويوم ..
اقتباس:
المشاركة الأصلية كتبت بواسطة broker
حضارة مجانية ....
- اما في حال قررت البقاء للمدة المذكورة فكان العرض باني اشتري سيارة مستعملة بحالة جيدة وهي تساوي اقل بــ 50% من الاسعار عندنا ... طبعاً اذا كانت حديثة اما القديمة فهي اقل بــ 70% .
|
إذا توفر البيت والسيارة بسهولة للمواطن سيحلم بأشياء محظورة لذلك تبقى السيارة والبيت حلم بعيد المنال ,,,
التعديل الأخير تم بواسطة ابوحمزه ; 13-09-2011 الساعة 09:16 PM