رد: المتابعة اللحظية لجلسة تداول الأربعاء 14-09-2011
اقتباس:
المشاركة الأصلية كتبت بواسطة ام محي الدين
مسا الخير اخي ابو النور
هلأ انا بحب سورية وبفديها بروحي
وكل الاخوة في المنتدى بشاركوني بحبها
بس خطرلي سؤال يا ترى سوريا بتحبنا ؟؟؟
وكل واحد قديش بيشعر بإنها بتحبوا ؟؟؟
بتمنى من الاخوة الاعضاء بس يكتب النسبة يلي بيشعر
فيها قبل مشاركته !!!!!!!!!!!!!!!
يعني خلينا نعتبرها استطلاع حتى نعرف شو بدنا نساوي
بالمشكلة يلي نحن فيها .وشكراً لكل صادق بالنسبة تبعوا
|
والله أنا هالأيام يا مدام أم محي الدين كتيييييييير محتارة، عم فكر هلأ يا ترى مين قصدك بسورية؟؟؟؟؟؟؟؟؟؟؟؟
سورية مو هي كل السوريين يلي عالأرض؟؟؟ إذا هية هيك فمعناها هية ما بتحبنا، لأ وعم تتفنن فينا بآراء وتصرفات ناوية تضوعنا كلنا.
أما إذا عم نحكي عن سورية الأرض، فالأرض طول عمرها معطاءة وكريمة وبحياتها ما بخلت علينا، هي بس بدها منا كلنا حسن استغلال وحب حقيقي. أما سورية الأولانية فيمكن عم تبيعنا نحنا وسورية التانية