economic opinion

هلأ تعليقاً على أخي أبي نادر بقول إنو موبس حسب البنت، بل حسب البنت والشب، يعني بصراحة لا تصدقوا إنو في إنثى بهالدنية ما بتحب تكون جميلة مهما كبرت، خصوصاً بنظر زوجها، بس في أزواج بيشجعوا زوجاتون إنو يحافظو على جمالون وفي أزواج لأ، يعني إذا كان الرجل كل يوم بيرجع عالبيت والباقة الوحيدة يلي فكر يحملها لزوجته هي باقة بقدونس أو باقة كزبرة، بدون مايتذكر ولو مرة وحدة يحمل بإيدو وردة، وإذا كان الشي الوحيد يلي بينتبه عليه هو الطبخة والواجبات المنزلية والولاد وشو عملوا، ولامرة فكر يقول والله لابقتلك قصة هالشعر الجديدة أو هالفستان الجديد .....، أكيد الزوجه رح تبلش تحس بهبوط المعنويات وتفقد إهتمامها بالعناية بنفسها لأنها ماعم تشوف من أكتر شخص بيعنيلها بهالدنية إنو يشوفها جميله أي اهتمام أو تشجيع على هذا الجانب.
يعني لا حدا يقنعني إذا زوج بيقول لزوجتو قومي ننزل عالسوق نشتريلك شي شغلة جديدة حتقلوا زوجتو "ما بدي" لأني مابدي كون جميلة
صدقوني المرأة قادرة على أن تتحمل من المسؤوليات أكثر مما تتوقعون وقادرة مع كل هذه المسؤوليات على أن تعتني بنفسها ومن حولها، ولكن احباط الرجل لها وعدم إيمانه بقدراتها هو ما يجعلها تقصر بجانب على حساب جانب آخر، لأن المرأة ومع كل هذة القوة التي وصفتها بحاجة دائماً إلى الدعم وخاصة من زوجها، فهي وبشكل غريب قوية جداً وضعيفة جداً بنفس الوقت، لا أعلم لماذا تماماً لكن ربما بسبب طبيعتها العاطفية الشفافة