|
دعوة الى رفع دعوى ضد بنك الشام
ندعوا الاخوة مساهمي بنك الشام الى رفع دعوى ضد بنك الشام .لتحديد الجهة المقصرة بالبنك . ومعاقبته.ولتعويض المساهمين عن هذه الخسارة الكبيرة التي لحقت بهم وخاصة الذين حضروا المزاد لانهم قاموا بتسييل اسهم اخرى لتوفير الكاش ليشتروا اسهم بنك الشام بالمزاد .وانشاء الله ساتصل ببعض الاخوة المحامين بالشؤون القانونية بالمنتدى للبدا بالاجراءات اللازمة.لذلك ارجومن كل اخ يريد توكيل المحامي ان يكتب مشاركة بذلك . |
رد: دعوة الى رفع دعوى ضد بنك الشام
الخطأ الذي حصل بموضوع المزاد مسؤولية محامي البنك و ليس مدير البنك او احد موظفيه
و هنا اطالب إدارة البنك بتعيين محامي جديد لإدارة امور البنك على ان يكون اكثر لباقة من المحامي الحالي |
رد: دعوة الى رفع دعوى ضد بنك الشام
البنك اله مستشار قانوني... وادارة طويلة عريضة.... وناس المفروض خبراء....
فعلا شيء مخجل.... وكفو يا اخ بشار اذا بتعملها وبترفع عليهن دعوى... والله بيستاهلوا اكتر |
رد: دعوة الى رفع دعوى ضد بنك الشام
اقتباس:
كلام اخونا وائل صحيح ولكن لازم رفع دعوى على البنك ومن ثم يقوم البنك بتحديد من هو المسؤول مع اننا عرفنا من هو المسؤول عن الغاء المزاد -مدير البنك (السيد علي ) كان لطيف لابعد الحدود وشرح لنا الموضوع بكل هدود .وبصراحة خرجنا من عنده ونحن راضين (انا واخي وائل) ولكن محامي البنك كان عكس السيد علي تماما وحتى ان المحامي امام كل الاخوة الحاضرين للمزاد تهجم على احد الاخوة بالكلام عندما ذكره بانهم تاخروا عن موعد المزاد ساعة . لذلك اطالب ادراة بنك الشام بفصل المحامي الحالي وتعيين عوضا عنه . ارجو من الاخوة اخذ الموضوع على محمل الجد لرفع الدعوى .وان يكتبوابشكل صريح هذا . |
رد: دعوة الى رفع دعوى ضد بنك الشام
معليش أخي مجد و لا يهمك هادا بنك الشام ...................
بس هالمرة بتوقع أليل يلي انضروا بس كتير نفدوا من تبخر مصرياتون أدام عين ............... هللأ ممكن يكون البنك آصد هالشي ............بهالحالة بيكون أول مرة بيفكر فيا بصالح المساهمين ..... و بيجوز كانت رمية من غير رامي من البنك ..... ممكن ألطاف من رب العالمين .................... لأنو المزاد كان راح يكون مهزلة .....و بالحد الأدنى نظرا لتاريخ الاستثنائي الذين وفقوا به ............. ...........شفت أخي أبو طارق وأت بدون يمشوا شغلة بيمشوا .....طلع على لسانا الشعر و نحن عمنؤول يا جماعى بيعوا كل الأسهم بالمزاد الأول سواء تبلغ و لا ما تبلغ ..... يعني شو بدو يساوي المساهم ...ممكن قلة منون ترقع دعاوي بس الغالبية مت راح تلتفت لهالموضوع ... و حتى يلي رفع دعاوي أكيد بدو تعويض مادي ما ممكن يرجع يطالعوا البنك منن البورصة أو يطلب تصفايتوا ..... أنا برأي الشخصي لاحق حقك عند بنك الشام بس من جواتك لا تزعل و لا يهمك لأنو الفائدة العامة كانت أكبر بكتير من المصلحة الشخصية ...................... |
رد: دعوة الى رفع دعوى ضد بنك الشام
أخي لقمان بعد ما نقول الحمد لله على كل حال البنك أخطأ وأساء لنا ولسمعته فمصلحة الكثيرين منها هي بالإدراج والإدراج لن يكون قبل المزاد أخي مهما كان السعر المهم يكون في تداول لحتى نقدر نسييل عندما نريد. وبالنسبة لتوقعك أنه الآن المزاد غير مناسب والسعر لن يكون جيد .... أسألك وهل تتوقع أن الوضع سيتحسن على المدى المنظور ؟؟؟ برأيي الأمور إلى أسوأ وبالتالي لو تم الثلاثاء لكان أفضل بكثير |
رد: دعوة الى رفع دعوى ضد بنك الشام
أخي كنان ...........
الحكي مو مشاني الحكي مشان يلي ما دافعين القسط التاني .................. يعني اذا انباع السهم على الحد الأدنى و هاد هو المتوقع ............... ما راح يضل عندون شي تصور دافعين المبلغ من خمسة سنوات و هيك ,,,,,بلحظة لا بيصفوا ملاك و لا بيطلعلون و لا فرنك ,,,,و الله هاد ظلم اذا صار .................... أما نحن فشو ما كان الوضع أسوأ بيضل عنا شي اسمو سند ملكية ...................... كسير سعرك بينباعوا أسهك ..................... بزمناتو عجزت فيك (وأت كنت بالشام ) كان الوضع كمان مو منيع لتبيعني ياهون ب 800 ما بعت...........مع انو هيك كان سعروا و كنت مشتري كمية منيحة .................. التلي وأتا مستحيل بيع بهالسعر ............التلك دوبني بالشام بيعني في شخص لازملوا ............. انت ما رضيت .............و التلي بخليون و ماني خسران شي و ............................ |
رد: دعوة الى رفع دعوى ضد بنك الشام
سالني احد الذين حضرواالمزادليبيعوا اسهمهم(كانوا يظنون انه مزادعام لمالكي الاسهم) قال عندي مئتي سهم واريد بيعهم هل تشتري مني فانا بشكل عفوي قلت له انا لا اشتري حاليا شاهدت البؤس والحزن بعينيه وباقي شوي ويبكي .لو السهم مدرج كان ممكن يبيع اسهمه باي سعر لانه محتاج .لذلك اخي لقمان تاجيل المزاد كارثة على بعض المساهمين وخسارة على الجزء الاخر .
يوجد شئ لن تصدقوه وممكن ان يكون مقصود .قبل المزاد بايام قالوا ان التامين الواجب دفعه للمزاد هو 10 الاف ليرة وقبل وقت المزاد بساعةاتصلت لاتاكد ايضا قالوا لي التامين 10 الاف.وبالصدفه اتصلت ب مسؤول العقود بالبنك ب حوالي نصف ساعة قال لي التامين 50 الف ليرة .اتصلت باخي وائل وقلت له احضر معك 50 الف عوضا عن 10 الاف .ولو لم نعرف وحصل المزاد لكان بالمزاد 5 اشخاص فقط .لان عدةاشخاص حضروا ومعهم 10 الاف ليرة ورجعوا ولم يحضروا المزاد .مذا يسمى هذا بالقانون!!!!!!!!!!!!! |
رد: دعوة الى رفع دعوى ضد بنك الشام
صحيح أخي أبو طارق....................وكل الحق معك
وانت عمتكحي عن يلي دفع القسط الثاني ................ أما يلي مانو دافع ................تصور ماكان راح يطلعلوا و لا فرنك هاد اذا انباعت الأسهم ......... على كل حال هذا لا يعفي الادارة من المسؤولية القانونية...................... .........يعني اذا بدي أؤول متل بعض القنوات الفضائية .....راح أؤل سبب بلاوي سوريا كلا هي ادارة الشام الاسلامي.............من كتر ما آذوني و أذوا بقية الناس ................... كان لفت نظر عسى أن تكرهوا شيئا و هو خير لكم ....................... و أنا معك ...........لتاخد حقك ..................من ادارة الشام الاسلامي .............. بس خلي هالمصيبة تنزاح من على البلد ................و بعدين لكل حادث حديث .............. بالمناسبة هللأ بهي الجمعة جوات البورصة فيك تعتبر انو صار شي اسموا بيع ......... طيب اذا واحد مضطر و عرض على السعر الأدنى بالبورصة و ما حدن اشترى شو بيساوي ... بنك الشام هللأ برات البورصة كيف ما كان ما في حدود للسعر يعني اذا بتكسر السعر كتير ممكن ينباع معك و الكحل أحسن من العمى .... بس جوات البورصة في آلاف مؤلفو مضطرة للبيع و بالأدنى و ما عمتأدر تبيع ........... المختصر .............وضع البلد تعيس هللأ ......و يلي معوا سيولة يمسكا بايدي و سنانو ... |
رد: دعوة الى رفع دعوى ضد بنك الشام
أخي لقمان من لم يسدد حتى الآن البنك لا يعرفوا بياناتهم الشخصية من وقت المزاد الماضي و البنك يبحثون عنهم وهم مو سائلين ونسيانين البنك كله ومن غير المعقول مشانهم نوقف كل الإدراج الله يعين الكل الخسائر بكل القطاعات وليست بالأسهم فقط وما وقفت على هدول طيب تشتري بـ 830 Big Grin |
| الساعة الآن 09:34 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks