اسئلة بتموت ( باللهجة السورية )
 

*متسطح بتختك ونايم ومطفي الضو ومتغطي بلحرام بيجي واحد من أهلك بيفتح الباب ويقول :
شو نايم ؟؟*
*لأ !! عم ارقص.. بس الوضع بيوحي إني نايم*
**

*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
إجيتوا ؟؟؟*
*لا والله لساتنا عالطريق، في عجئة بشارع الحميدية *
**

*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،
بيجي*
* حدا من أهلك بيسألك، شو رايحلك شي مشوار !!؟؟*
*لا والله طالع عالأسطوح صلّح صحن الديجتال*
**
*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
وجهه علائم الإستغراب والدهشة: بدك تحكي بالتلفون؟*
*لأ شو إحكي !!! بس كنت عم جرب *
صوت طنة الأرقام **

*حاطت راسك ونازل بهالكتب والدراسة، بيجي أبوك أو امك...: عم تدرس؟*
*لا والله ...!! عم غير زيت للسيارة*
**
*مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي
بتجاوب: شو بتساوي اول يوم العيد ؟ أكيد بتروح بتزور الأهل والقرايب *
*لا والله بالعادة بفكر العب شدة وماروح لعندهم *

**

*بتطلع بميكرو وبتحط هيك وبتطلع (عشرة )وبتعطيها للي ئدامك، وبكل برودة
بيئلك: واحد ؟*
*لأ 60 واحد ؟ ورجعلي الباقي **

*أشّر بأصبعته الكريمة لتكسي، وفعلاً وقفلو العينتين، بيسأله: فاضي؟*
*لأ ... عندي 10 طلبيات، بس وقفت حيونة*
**

*بدك تنزل من الميكرو: عاليمين زكاتك.... بتتلقى الرد: نازل ؟؟*
*لا والله بس عم جرب صوتي*
Big Grin Big Grin Big Grin

رد: اسئلة بتموت ( باللهجة السورية )
 

كتيييير حلوين ياريت تكترولنا هيك شي
اسئلة بتموت ضحك

رد: اسئلة بتموت ( باللهجة السورية )
 

رد: اسئلة بتموت ( باللهجة السورية )
 

أكيد بحكم العادة ........

أهلا أختي الكريمة

رد: اسئلة بتموت ( باللهجة السورية )
 

رد: اسئلة بتموت ( باللهجة السورية )