|
رفع سعر ليتر المازوت الى 36 ليرة
رفع سعر ليتر المازوت الى 36 ليرة سورية حسب مواقع سورية
|
رد: رفع سعر ليتر المازوت الى 36 ليرة
صحيح ارتفع وسمعت انوا كان في نية لرفع البنزين الى 75 ليرة
بس تاجل يمكن بس حلو قرار الرفع على اساس ب 36 رح نلاقي ههههههه اي وقت كان ب 26 ما كنا نحصل اللتر تحت 80 - 110 هلأ شو رح يصير معناها ب 120 |
رد: رفع سعر ليتر المازوت الى 36 ليرة
اخي اليوم قلي صاحب الكازية صارت التسعيرة ٣٥ من الخميس مساء
|
رد: رفع سعر ليتر المازوت الى 36 ليرة
اقتباس:
1- سعر المازوت بكل من الأردن و لبنان و العراق و تركيا يعادل السعر العالمي و يتخطاه احيانا، الا في سوريا مر سعر المازوت بتقلبات من 7 ليرات لحد ال 35 و لساتو اقل من السعر العالمي. 2- رفع السعر رفع تكلفة المازوت على المهربين، و ما بين تكاليف نقل و اجور عمال ما عادت الشغلة محرزة بتهربيه، ما بئول هالخطوة رح تنهي التهريب بشكل كامل او فعال، و لكن ما سيتم توفيره رح ينعكس جوا البلد 3- بما انو الناس هيك هيك عم تشتري بالغالي فما داعي للدولة تبيعو بالرخيص (حسب رأيها) و منرفع سعرو، منو دخل اضافي و منو تحجيم التهريب باي نسبة كانت و منئول تفائلو بالخير تجدوه |
رد: رفع سعر ليتر المازوت الى 36 ليرة
اقتباس:
هل تعرف اقل معاش في الدول لبنان وتركيا قد يعادل معاش الوزير ولبنان غير منتجه للنفط وكذلك الاردن ولماذا لاتقارن مع الدول المنتجة - طبعا قبل الحرب - تتكلم عن التهريب الان من سورية الى الخارج كلامك منافي للواقع تتكلم لماذا الدولة لاترفع السعر اذا كان يباع اعلى بهذا السعر بكثير يعني انت تقول ان دولة تعرف بانها لم تستطيع القضاء محاربة السوق السوداء للمازوت والغاز والدولار والطحين والغنم وووووو |
رد: رفع سعر ليتر المازوت الى 36 ليرة
عندما نعيش الأقوال المأثورة يكون وقعها في النفس أعمق عذر أقبح من ذنب ربما كان من الأفضل تبرير إطلاق يد المهربين وانفلات الأسعار على اساس انه هامش حرية . لا غرابة فقد تصادفت مع سيدة من المجتمع الراقي الفرنسي حسب تصورها وهي من أصول سورية كانت تعيش في فرنسا لمدة تزيد على خمس وعشرين سنة ( بتخالف المعدود ) . نعم ذكاءها وألمعيتها جعلها تتعلم بعض كلمات عامية ، كانت تضع غطاء رأس كمعظم اهالي الريف السوري . تصادف مرورنا بالأمويين وكان يومها التفجير او محاولة تفجير مبنى التلفزيون .أخذت تتمتم بعبارات وهي تحمل بيدها سبحة . ثم خطر ببالها أداء صلاة لا أدري هل كانت تقضي صلاة الصبح أم العشاء من اليوم الفائت . أحلى ما بالأمر ان كان برفقتها صبية أو صبي الحقيقة لم افلح في تبيان الحقيقة وبدأت تشرح لها عن الارهاب بحديث اشبه بلغة الخرسان . نزلنا في البرامكة فالتفتت إلي وقالت يرضيك ما يحصل ؟ قلت ربما انت تتناولين الأمر من الزاوية الخطأ انفلت لسانها وارتفع صوتها واسمعتني موشحا عن الحرية ، قالت ، الناس مو شايفين شي ! بفرانسا فيك تخالف وتحط سيارتك بمكان ممنوع والله بيجيك مخالفة بتهد الحيل وشوف بقا اذا الله توهك وتأخرت بالدفع ! قلتلها ياست انت عم تخلطي بين الحرية والفوضى ، انفلتت وقال ايوة هيه هي اللي بدهن ياها وكلهم مأجورين . قلتلها قديش بتاخدي وتطلعي بمظاهرة تحت وابل الرصاص ؟ انا ما بطلع وانفلتت ...... بالصدفة اثناء تقليب التلفزيون بين الفضائية والأرضية تفاجأت بالفتاة الفرنسية او هي ربما فتى ناعم وكانت في مقابلة تتحدث بكل ما يحلو سماعه ، لا ادري هل هنالك من يصدق اوعلى الأقل يصدق بأن هنالك من يصدق ؟ |
رد: رفع سعر ليتر المازوت الى 36 ليرة
اقتباس:
أدنى راتب موظف في لبنان هو 333 دولار، بعني برأيك الفراش او عامل النظافة عايش عيشة وزير، قيمة الراتب مو بالرقم و لكن ايضا عندك ضرايب و عندك غلاء معيشة، ليش اللبنانيين بيعملو اسنانهم و اعراسهم بسورية، نسبة توفير لا تقل عن 50% راتب المدرس بالاردن خبرة 15 سنة 300 دينار أردني (الدينار 1.4 دولار) تعادل 420 دولار يعني اكتر من ضعف ادنى راتب بسوريا (10000 ليرة) اجار البيت 200 دينار اردني، و قيس على هالمبدأ ش مصر راتب موظف الحكومة 400 جنيه و اذا خبرة بين 600 و ال 800 (قبل الازمة المصري = 8 ليرات) بتعرف ليش زودو السعر لل 36، الرقم ما انحط اعتباطي، الرقم يعادل سعرو في لبنان و الأردن و يوم رفعت الاردن اسعار الوقود (رفعنو من ما يعادل 36 الى 44 - مع الابقاء على دعم 23% من قيمتو) يعني حتى هي اللحظة سعر المازوت عننا ما زال مدعوم بنسبة 30% تقريبا اما سعر البنزين فالدولة رفعت الدعم عنو من زمان، و تخيل معي كمية الدعم للمازوت لما كان سعرو ب 7 ليرات، و ساعتها بتعرف ليش انا فسرت رفع السعر بالحد من التهريب عندك شغلة تانية بلبنان انو سعر البنزين عندهم محرر، يعني اذا ارتفع سعرو بالعالم اكلها المواطن اللبناني، و لكن عننا اد ما ارتفع السعر العالمي للبنزين لا يقرر برفع السعر الا الحكومة و موافقة مجلس الشعب ممكن تئللي وين كلامي مناف للواقع بموضوع التهريب!!! الغنم العربي بوصل سعرو بالكويت لفوق ال 120 دينار (اخر تحديث من شهرين) و سعر كيلو اللحمة بالكويت للعربي 8 دنانير كويتي (الدينار = 170 قيل الازمة- 300 حاليا) فبامكانك تعرف اديش مربحة شغلة تهريب الغنم و الطحين و المازوت و الآثار و غيراتو |
رد: رفع سعر ليتر المازوت الى 36 ليرة
اقتباس:
الظاهر اخي انت لم تسافر لخارج سورية ابدا . اقل راتب في مصر 800 جنيه واسطوانة الغاز ب4 جنيه والبنزين ب20 او 28 جنية للتنكة حسب الاوكتان وفاتورة الكهراباء وسطيا ب25 جنيه .احسن لك تقارن بيننا وبين الصومال وقتها كلامك صحيح . شوارع مصر والاردن ولبنان افضل من شوارعنا والكهرباء بالاردن ومصر لا تنقطع من 40 سنة . والمدن الحديثة بمصر لا تصدق عندما تشاهدها شئ لايوصف من التظيم هذا عدا المناطق السياحية شرم الشيخ والغردقة ووووووووو ارقامك لا اعرف من اين اتيت بها .بدك تقنعنا باي شئ لا اعرف .نسيت انه في انترنيت وفضائيات واصبح الجميع يرى تخلفنا في كل شئ تقريبا .من المفترض اننا افضل من ماليزيا وتركيا على الاقل نظرا لوجود ثروات عندنا غير موجودة عندهم كالبترول . |
رد: رفع سعر ليتر المازوت الى 36 ليرة
شماعة التهريب مليئة ولا متسع فيها لزيادات .
ولو كان التهريب السبب من الممكن ايجاد البدائل . ولا أجد المقارنة مجدية بين خصوصيات بلد وآخر وبالتالي لا يستحق الأمر الجهد في التحقق من صحة الأرقام . وكمثال فقط ، المازوت في لبنان لا تستعمله إلا الشاحنات وفي اشد الأيام برودة لا يستخدم أهل لبنان المازوت للتدفئة ، اللهم إلا بعض القرى الحدودية مع سوريا . فما الجدوى من مقارنة اسعار مواد مع البون الواسع في ضرورتها لطرف أو لآخر ؟ |
رد: رفع سعر ليتر المازوت الى 36 ليرة
اعيد واكرر من يحافظ على اقتصاد الشعب هم الشعب انفسهم فقط .؟
لذلك : ابتعدوا عن المضاربة بالدولار لان الليرة السورية لاغلب الشعب الفقير وليس للنظام .؟ لا احد يتاجر بالغذاء المدعوم كالخبز والطحين لان التجارة بذلك كفر .؟ لا احد يتاجر بالمحروقات المدعومة كالمازوت والغاز .؟ ياجماعة الناس عم تهدم بيوتها والاخرون عم يسرقوا ماتبقى معهم من قيمة النقود و يتحوطوا بالمضاربة بالدولار ياجماعة الايمان بالله هو التعاضض بين الناس وليس النفاق الذي نراه الأن بين التجار الصغار والكبار .؟ (لا يؤمن أحدكم حتى يحب لأخيه ما يحب لنفسه ) (ص) ولم يقل لا يؤمن أحدكم حتى يتحوط المرء بالدولار |
| الساعة الآن 02:23 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks